E fundit!

21:57 Kronika

7.5 ton kokainë drejt Europës/ Zbulohet skema, ja si funksiononte mafia shqiptaro-polake në Ekuador

Një operacion i kryer nga Policia Kombëtare dhe Prokurori...

“Flet me gjuhën e langojve të Edi Ramës”/ Komisioni i Rithemelimit i përgjigjet “dhëmb për dhëmb” Bashës

4 Janar 2022, 12:57, Politikë CNA

Komisioni për Rithemelimin e PD ka reaguar pas deklaratës së Lulzim Bashës, i cili i quajti protestuesit dhe ?Foltoren? trafikantë droge.

Në një deklaratë për mediat, Drejtoresha e Komunikimit e Komisionit për Rithemelimin e PD, Floriana Garo, theksoi se Basha po numëron mbrapsht, se është afër fundit.

?Deputeti Brava e kupton që numërimi së prapthi për të është afër fundit. I shkarkuar, i braktisur dhe i përbuzur nga demokratët deklaratat e tij ngjasojnë gjithnjë e më shumë si dy pika uji me ato të deputetit Balla që është dhe interlokutori i tij në PS pas shkarkimit. Sot Lulzim Brava flet për Sali Berishen me gjuhën e langojve të Edi Ramës sepse në fakt ky është misioni i fundit që i ka mbetur për të bërë!

Por ne cdo rast ai mbetet një version qesharak i pengmarrësit të tij. Në 8 vjet ndërkohë që Lulzim Brava shkelte mbi sakrificat e demokrateve për pazare me Ramen, shqiptarët nuk kanë dëgjuar apo parë askënd të luftojë dhe denoncojë narkoshtetin, narkotrafikantët dhe krimin e organizuar më shumë se Sali Berisha!

Akoma më qesharake vjen akuza për pastrim parash kur në fakt i vetmi politikan i akuzuar zyrtarisht për pastrim parash është vetë Lulzim Brava për pagesa deri në 800 mijë dollarë! Eshte kjo dosje bashke me Toyota Yaris te cilet e kane lene peng te Edi Rama! Eshte mega afera e Portit te Durresit pazar-karremi qe e ben ti ku dervihet vullnetit te demokrateve.

Sa për takimin e shoqatës Basha- Bardhi, nuk ka Gaztor që mund të shpjegojë se si në një sallë me 1950 karrige qenkan ulur 5004 delegatë! Ne fakt kjo eshte dhe nje nga aresyet perse shqiptaret nuk kane asnje besim qe voten e tyre te lire mund ta garantoje dikush qe genjen dhe manipulon me zë dhe figurë votën e demokratëve!

Por në pak ditë Shqipëria dhe Partia Demokratike do të ndahen nga opozita e dështuar e korruptuar dhe e kapur e Lulzim Braves! Nuk ka bunker, bravë apo shul qe do mund të pengoje vullnetin e demokratëve për t?a cliruar opoziten nga pazaret dhe pengjet!?-deklaroi Garo./CNA.al