web counter
LEXO PA REKLAMA!

SHKARKO APP

App Store
Google Play

E fundit!

x

Situata politike/ Dy arsyet pse viti 2022 do nisë i tensionuar

3 Janar 2022, 15:15, Politikë CNA

Kandidati për kryetar të PD Edvin Kulluri u shpreh se situata politike është shumë e ngarkuar, dhe për këtë ai ?bën përgjegjës? fitimin e mandatit të tretë nga ana e Partisë Socialiste si dhe dështimet e një pas njëshme të Lulzim Bashës në proceset zgjedhore.

Në një intervistë për CNA.al, Kulluri deklaroi se kokfortësia e kryetarit të shkarkuar Lulzim Basha dhe njerëzve që e rrethojnë për të mos njohur rezultatet e Kuvendit të 11 dhjetorit që u reflektua edhe në mbajtjen e referendumit, është gjëja më e paprecedentë në 30 vite demokraci.

Duke iu referuar nisjes së vitit të ri, Kulluri u shpreh se do nisë i ngarkuar me tensione dhe  që shpërfaq dukshëm deficitin demokratik për të cilin gjendemi së paku që nga viti 2008, në ndryshimet e gabuara kushtetuese që u bënë.

?Situata realisht është shumë e ngarkuar për shkak të fitores së mandatit të tretë të PS që ishte i pamerituar sa i takon bilancit të saj 8 vjeçar. Nga ana tjetër, në opozitë është hapur seriozisht një debat për zgjidhjen e krizës së saj shumë të thellë, të pa precedentë, por mbi të gjitha edhe mbi atë se çfarë do të ndodhë në të ardhmen me PD. Besoj që shprehja ?më mirë një fund i tmerrshëm se një tmerr pa fund? do ishte shprehja e duhur për këtë situatë.

Nuk mund të vazhdojmë më të mavjoset një krizë e heshtur, një krizë që e kishin parë të gjithë, por pak guxonin të flisnin. Nuk ishte e drejtë por nuk ishte as e duhur heshtja dhe hipokrizia përballë krizës së thellë  demokratike dhe ideologjike të partisë që na çoi në humbjen e katërt rresht, nga ana e një shumice të heshtur parti, por më në fund u reflektua dhe kemi ardhur në këtë pikë, ku debati është më i zjarrtë se kurrë, i cili u mbyll me mbajtjen e Kuvendit në datën 11 dhjetor dhe referendumin e datës 18, i cili certifikoi Kuvendin.

Nga ana tjetër, kokfortësia e Lulzim Bashës dhe atyre që e rrethojnë për të vazhduar nga humbja në humbje dhe tashmë duke u izoluar ehde nga opinioni dhe mendimi i shumicës së PD është po aq i paprecedentë në 30 vite demokraci, ndaj mendoj që ky tension kaq i madh mes qeverisjes dhe angazhimeve që nuk i mbajti kurrë dhe një opozite që ka hyrë në rrethin e fundit të zinxhirit të përplasjeve do ta bëjë edhe 2022 një vit që do nisë i ngarkuar me tensione dhe  që shpërfaq dukshëm deficitin demokratik për të cilin gjendemi së paku që nga viti 2008, në ndryshimet e gabuara kushtetuese që u bënë?, tha Kulluri./E.K-CNA.al





Lajmet e fundit nga