web counter
LEXO PA REKLAMA!

SHKARKO APP

App Store
Google Play

E fundit!

x

Afera e inceneratorëve/ Vasili: Ali Baba nuk ka faj, 40 hajdutët po

3 Janar 2022, 13:27, Politikë CNA

Deputeti i LSI-së, Petrit Vasili ka shenjëstruar kryeministrin Edi Rama në lidhje me aferën e inceneratorëve.

Ai e krahason Ramën me Ali Babanë, që vjedh bashkë me 40 hajdutët, por që përgjegjësinë e sheh individuale.

Sipas Vasilit, peshku qelbet nga koka dhe koka është Ali Baba.

?Ali Baba nuk ka faj, 40 hajdutët po!!

Në një aferë qindra milionëshe si inceneratorët, ku përgjegjës janë një tufë ministra e kryetarë bashkie, që të gjithë rilindas, vetëm Edi Rama del e thotë se ai vete nuk ka asnjë përgjegjësi.

Të gjithë këta kanë mbi kokë vetëm atë.. Edi Ramën.

Ali Baba i ka 40 hajdutët në punë përditë, po kur vjen puna te përgjegjësitë ja çfarë thotë:

“Përgjegjësia është individuale, shumë individuale, Çdokush që merr një detyrë zgjidhet për 1000 arsye, të cilat nuk bien në momentin që ai ose ajo gjenden në faj. Por ama në atë moment ai është vetëm.”

Deviza e Ali Babës është : ” Vjedhim bashkë, por përgjegjësia ështe e juaja individualisht”!

Shqiptarët e dinë të gjithë se Ali Baba është përgjegjësi kryesor nën komandën e të cilit bubrrojnë te 40 hajdutët.

Peshku qelbet nga koka dhe koka është Ali Baba!?, shkruan Vasili në rrjete sociale./E.S-CNA.al





Lajmet e fundit nga