web counter
LEXO PA REKLAMA!

SHKARKO APP

App Store
Google Play

“Lul Brava shndërron shtëpinë e demokratëve në bunker personal”/ Berisha: Nuk e shpëton izolimi, PD, shtëpi e lirisë

4 Janar 2022, 10:48, Politikë CNA

Ish-kryeministri Sali Berisha ka shpërndarë deklaratën e Komisionit të Rithemelimit, i cili i bën thirrje Lulzim Bashës, të ndalojë me serialin e bravave dhe mbylljen e dyerve të PD-së.

Berisha shkruan krahas kësaj deklarate se Lul brava po e shndërron shtëpinë e demokratëve në bunker personal.

Risjellim në vëmendje se në deklaratën e Komisionit të Rithemelimit thuhej se sjelljet e Lulzim Bashës, përbëjnë një akt turpi.

Deklarata e plotë e Komisionit të Rithemelimit:

?Deputeti Lulzim Brava e nisi Vitin e Ri me avazin e vjetër të izolimit. Pasi izoloi veten nga 4446 delegatë dhe 43 385 anëtarë që firmosën shkarkimin e tij, ai ka vendosur në prag të protestës paqësore të demokratëve ta kthejë shtëpinë e tyre në bunkerin e vetmise dhe pazareve të tij.

Kështu, në një akt turpi dhe paniku të denjë vetëm për një apartcik të marrë peng ai ndërron brava dhe po vendos dyer të blinduara për të shndërruar shtëpinë e demokratëve, selinë e Partisë Demokratike, në bunkerin e tij privat.

Me këtë rast i kujtojmë Lulzim Bravës që mendon se me  dyer dhe brava do të mposhtë shumicën dhe pluralizmin në Shqipëri se ata  që shemben regjimin më gjakatar në ?90 nuk do të lejojnë kurrë asnjë derë brave, hekur apo shul të mbajë peng vullnetin e tyre të shprehur përmes votës së lirë.

Partia Demokratike ka lindur si shtëpi e lirisë dhe e tillë do të vijojë të mbetet, kurse Lulzim Pengu së bashku me pengmarrësin e tij do kenë fatin e atyre që bunkerizuan Shqipërinë?./ E.S-CNA.al





Lajmet e fundit nga