E fundit!

20:55 Denoncim

FOTOLAJM/ Adoleshentët gara me motorë e skuterë në Parkun e Liqenit, policët bashkiakë me sy në telefon

Qytetarët që kalojnë pasditen pranë Liqenit Artificial në ...

“Të gjithë në këmbë”/ Vjen “ultimatum” i fortë për Bashën: Ky është një vendim pa kthim

4 Janar 2022, 09:57, Politikë CNA

Ish-nënkryetari i Forumit Rinor të Partisë Demoktratike, Lisandër Hoxha ka reaguar në lidhje me lajmin se Lulzim Basha po blindon dyert e selisë së PD.

Në një postim në rrjetet sociale, Lisandër Hoxha paralajmëron se shkarkimi I Lulzim Bashës është një vendim pa kthim.

?Lul Brava ka nisur bunkerizimin e PD.

Prej ditësh, me dhjetra punëtorë po e kthejnë selinë qendrore të Partisë Demokratike në një burg të sigurisë së lartë.

Po vënë hekura dhe dyer të blinduara në çdo korridor.

Si do të mund të mbahen demokratët jashtë selisë së tyre? Me dyer të blinduara dhe hekura?!

Vërtetë ka menduar Lul Brava se disa hekura do t’i ndalojnë ata të futen në shtëpinë e tyre?!

Jam i sigurt se jo.

Skenari është i qartë.

1- Acarimin me cdo mjet dhe mënyrë të demokratëve, që e shkarkuan atë me një anëtar, një votë.

2- Bllokimin dhe vonimin e tyre, duke u sosur durimin, në godinën e PD me hekura dhe dyer të blinduara, gaz lotsjellës (alla Sander Lleshi).

3- Në fund, Basha largohet nga selia e PD dhe mendon të përdorë pamjet e kamerave të selisë qendrore si argument viktimizimi.

4- Ai do të kërkojë një argument të montuar në studion e montazhit të ERTV, me pamjet filmike ku ai shitet si i dhunuar.

5- Këtë material do ta përdorë si kryeargumentin në kancelaritë e vendeve mike.

6- Rama dhe pengu i tij po e përdorin këtë mundësi për të zhvendosur vëmendjen nga mega afera e Incerenatorëve, Porti i Durrësit, skandalet e pagave të qeverise dhe hallet e përditshme të shqiptarëve.

Demokratet nuk do të ta japin këtë mundësi, o Lul Rilindja!

Ne do e kthejmë PD në shinat normale të opozitarizmit dhe në misionin e saj historik.

Largimi yt nga selia qendrore, pasi je shkarkuar me Kuvend Kombëtar dhe nga anëtarësia, është një vendim pa kthim.?-shkruan Lisandër Hoxha.

Më tej, ai thekson se Lulzim Basha do i përkasë të shkuarës dhe askush nuk do të merret me të.

?Të nesermen e kthimit të sovranitetit në selinë qendrore, ti do t’i përkasesh të shkuares. Askush nuk do ta permend më emrin tënd.

Askush nuk do të merret më me ty.

Do të jesh më pak se ata anonimë që moren mandatet e opozites në 2019.

Kam edhe nje mesazh te fundit per disa deputet, te cilet po keqpërdoren nga Lul Brava.

Ju jeni deputet të Partisë Demokratike që u votuat nga baza e PD. Askush nuk mund të kthehet në barrierë njerëzore mes demokratëve dhe shtëpise se tyre politike. Konflikti në PD nuk ekziston më pas shkarkimit të Lul Rilindjes dhe sot jemi më të bashkuar se kurrë. Mos i jepni shprese nje projekti anti PD të gatuar në zyrat Soros.

Partia Demokratike është gati të nisë betejën politike për rrëzimin e qeverisë me të gjitha mënyrat demokratike.

Kthehuni në krah të atyre që ju votuan dhe bënë fushatën elektorale për ju!

Me 8 Janar të gjithë në këmbë për demokracinë e vendit tonë!?-përfundon postimin e tij Lisandër Hoxha./CNA.al