Si do jetë e ardhmja e PD?/ Kulluri flet “pa doreza”: Në parti duhen rikthyer disa principe kryesore

3 Janar 2022, 15:51, Politikë CNA

Partia Demokratike ka hyrë në një krizë të brendshme. Përjashtimi i ish kryeministrit Sali Berisha nga grupi parlamentar pas shpalljes non grata nga DASH kthehu të gjithë demokratët kundër Lulzim Bashës, gjë që u pa qartë në Kuvendin e 11 dhjetorit, i cili u reflektua më pas me referndumin që u mbajt në 18 dhjetor.

Por për kandidatin për kryetar të PD Edvin Kulluri, e ardhmja e kësaj partie është e tensionuar, ndërsa shton se për fat të keq parashikimet dhe prognozat e bëra nga ata që u larguan nga PD dhe ata që qëndruan doli e saktë.

Në një intervistë për CNA.al, Kulluri shton se e ardhmja është vetëm një bashkim për mendimin tim mes vlerave të qarta demokratike në funksionim, ndërsa rreshton edhe principet që i duhen rikthyer partisë.

?E ardhmja e PD është e paqartë, është e tensionuar, është krijuar një nervozizëm ekstrem midis dy palëve të cilat deri pak muaj më parë nuk ishin në konflikt, për shkak se mungonte kurajoj për të mbajtur qëndrime të qarta dhe të forta për lrizën e shkaktuar nga lidershipi i partisë. Në këtë kuptim nuk e shoh një pjesë mes ndarjes së Berishës dhe Bashës, por e shoh një ndarje të qartë mes shumicës demokratike që është kritike, reaktive, refuzuese ndaj modelit të dështuar për politikë të lidershipit aktual dhe një minorance e cila, për arsye nga më të ndryshmet, të drejta, po kryesisht të padrejta, mendojnë se rruga e nisur me Lulzim Bashën duhet të vazhdojë ende.

Kjo pikëpamje e dytë është e dëshpëruar, dhe është dëshpëruese për të ardhmen e PD pasi, PD edhe duke qenë këta faktorë që përplasen sot në të njëjtën tryezë humbi zgjedhjet e 25 prillit. Fatkeqësisht parashikimet dhe prognozat e bëra nga ata që u larguan nga PD dhe ata që qëndruan doli e saktë. Zgjedhjet e 25 prillit, treguan edhe një herë ashtu si në 2017 që një parti jo demokratike, një parti jofunksionale, një parti jo përfaqësuese, një parti në krizë të thellë ideologjike nuk mundi të fitonte zgjedhjet dhe një e ardhme e mundshme në pushtet në 25 prill do shkaktonte një krizë akoma më të rëndë në PD pasi PD do të shkonte në pushtet duke u larguar nga pushteti shumë shpejt dhe me një kosto shumë të madhe.

E ardhmja për medimin tim është vetëm një bashkim për mendimin tim mes vlerave të qarta demokratike në funksionim, duke i kthyer partisë disa principe të qarta siç janë ato për ndarje të qarta pushtetesh brenda PD, vënia e një autonomie të gjerë, të qartë strukturave lokale për të zgjedhgur përfaqësuesit e tyre dhe një qasje ideologjike, që të drejtohet përfundimisht tek liritë dhe të drejtat ideale, politike, ekonomike të shqiptarëve dhe një autonomie lokale që do të çonte në përfaqësimin politik aty ku duhet të demokratëve dhe qytetarëve.

Të mos harrojmë edhe një gjë, jemi në fund të një tranzicioni të vështirë, ku kërkohet me domosdoshmëri të marrë zgjidhje një herë e mirë problemi i pronës, jo ashtu siç e kemi dhënë deri tani në shumicën e rasteve, në mënyrë të gabuar si PD dhe të kthejmë sytë nga puna, prodhimi dhe jo nga dallaveret financiare dhe ekonomike që zbuloi edhe botimi i listës së pagave që ka ndodhur disa ditë më parë dhe do të shgkojmë drejt një politike rajonale dhe të jashtme që të mbrojë interesin e shqiptarëve dhe jo interesin e një elite që na është imponuar në krye të PS dhe PD. Nëse PD i jep të ardhme vetes së saj në këto kolona kryesore, do ishte oferta më e mirë që do u jepte shqiptarëve në zgjedhjet e ardhsme lokale dhe qendrore?, tha Kulluri./E.K-CNA.al