web counter
LEXO PA REKLAMA!

SHKARKO APP

App Store
Google Play

E fundit!

x

Gjokutaj analizon gjykimin e Apelit/ Çfarë tregon vonesa “e programuar” për statutin e PD-së

26 Korrik 2022, 20:41, Politikë CNA
Gjokutaj analizon gjykimin e Apelit/ Çfarë tregon vonesa “e
Avokati Genc Gjokutaj

Avokati Genc Gjokutaj ka hedhur akuza, teksa foli për shqyrtimin e çështjes së statutit të Partisë Demokratike në Gjykatën e Apelit.

Në një takim me kryetarin e PD-së, Sali Berisha dhe me intelektualë, Gjokutaj tha se vonesa nga Gjykata e Apelit ka sjellë një dëm kolosal.

Sipas tij, kjo vonesë është e programuar dhe rruga se si çështja shkoi në Apel tregon korrupsionin moral të gjyqtarëve dhe përfshirjen e kryeministrit Edi Rama.

Ai pretendon se gjyqtarët tanë janë pa integritet, falsifikatorë, që e lexojnë ligjin, por nuk e shkruajnë atë.

“Është shumë e rëndësishme që të zhvillohet gjykimi në Apel sepse ajo është një anë formale, por tregon forcën e ligjit, të drejtat që ka PD sot. E llogaris një dëm kolosal vonesën nga gjykata. Është vonesë e programuar, jo pa dashje. Të mos harrojmë që presim zgjedhjet lokale. Synimi është që të vazhdohet me një koalicion, me një emër. Forca juridike e PD të tregojë forcën e ligjit. Ne kemi gjyqtarë pa integritet, kemi gjyqtarë falsifikatorë, gjyqtarë që e lexojnë ligjin, por nuk e shkruajnë ligjin. Duhet të përgatitemi për këtë situatë sepse edhe brenda PD ka njerëz që presin Apelin. Certifikimi i PD-së në Apel, flitet për vullnet shumice këtu. 7 korriku ka kosto për t’u mbajtur, 7 korriku nuk mbahet me jehonë, por me veprime konkrete.

Kush na pengon ne të shkojmë të KLGJ dhe t’u themi se ky proces është si masat e sigurimit që në krye të javës bëhet gjyqi. Nuk ka çfarë u sheh atyre letrave gjyqtari, është gjyq formal, po na e kthejnë si Nurembergu. Rruga si shkoi në Apel tregon korrupsionin moral të gjyqtarëve dhe investimin serioz të Edi Ramës në dështimin e formësimit të Rithemelimit të PD. Nëse kjo PD është e paregjistruar, një ditë do të na tallin. Mendoj se duhet filluar nga fillimi. Se ç’a do bëjë PD në pushtet, kjo ka kohë. Të pagëzojmë PD-në ligjërisht. Po nuk patëm bërë këtë, vijmë vërdallë kot. Nëse Gjykata e Apelit nuk e pranon këtë kërkesë, imagjinoni se çdo të ndodhë dhe çfarë do të duhet ne të përballojmë dhe dëgjojmë. Po u zgjidh kjo, të tjerat kanë rrugë”, theksoi avokati./ B.A. – CNA.al





Lajmet e fundit nga