web counter
LEXO PA REKLAMA!

SHKARKO APP

App Store
Google Play

E fundit!

x

“Është uzurpuar nga një bandë”/ Meta i “qan hallin” PS-së, shigjeton edhe Bashën  

26 Korrik 2022, 13:37, Politikë CNA

“Është uzurpuar nga një bandë”/ Meta i

Ish-presidenti Ilir Meta sot në një deklaratë për mediat, ndër të tjera është pyetur nga gazetarët nëse partia e tij, që ai tashmë e quan “Partia e Lirisë”, është e majtë apo e djathjtë.

Por, Meta ka theksuar se partia e tij është parti ultrademokratike, ndërsa “i ka qarë hallin” PS-së, për të cilën tha nuk është më e majtë, por është një parti e uzurpuar nga një “bandë”.

Po ashtu ai ka shigjetuar edhe Lulzim Bashën, për të cilin tha se edhe ai ishte “uzurpuar nga kjo bandë”.

“PS është e majtë?

Partia në pushtet që nuk jep asgjë për familjet shqiptare është e majtë apo jo?

Kjo bandë ka uzurpuar PS-në, ka uzurpuar shtetin, pasi kishte uzurpuar më parë edhe kreun e Opozitës.

Jemi një parti ultrademokratike, nuk jemi nacionaliste.

Referendumi është garanti i rikthimit të Shqipërisë në themelet e Kushtetutës më të mirë që ka parë kjo tokë, që ishte ajo e vitit '98, ishte më perfekte, u bë me referendum nga populli i shqipërisë pas krizës së ‘97-ës.”-u shpreh Ilir Meta.

I pyetur nëse do të marrë pjesë në zgjedhjet e ardhshme vendore, Meta tha se nuk do të bojkotojnë asnjë lloj procesi jo vetëm zgjedhor.

“Partia e Lirisë për aq kohë sa do të jem lider i saj nuk do të bojkotojë asgjë në këtë vend, as seanca plenare, aq më tepër për të bojkotuar zgjedhjet. Në demokraci kush ikën nga zgjedhjet është një dezertor, kapitullues, i blerë, si ai që digjte mandatet ose është me probleme. Unë nuk jam naiv që të pres demokraci daneze në Shqipëri. Partia e Lirisë është e vendosur të marrë pjesë në të gjitha zgjedhjet dhe është e bindur në një triumf të madh”, deklaroi Meta./CNA.al

 





Lajmet e fundit nga