web counter
LEXO PA REKLAMA!

SHKARKO APP

App Store
Google Play

E fundit!

x

Meta do të kandidojë për kryetar/ Ja pse e ndryshuam emrin e partisë

25 Korrik 2022, 21:40, Politikë CNA
Meta do të kandidojë për kryetar/ Ja pse e ndryshuam emrin e
Ish-presidenti, Ilir Meta

Ish-presidenti Ilir Meta ka konfirmuar se do të jetë kandidat për kryetar të Partisë së Lirisë dhe ka shpjeguar pse vendosën t'i ndryshojnë emrin LSI-së.

Meta ka treguar se emri “Parti e Lirisë”, është frymëzuar nga populli i 2 marsit dhe fakti që në Shqipëri është kërcënuar liria e qytetarëve.

“Përgjegjësia ime do të jetë për të organizuar brenda 2 muajsh Konventën përmbledhëse të ish-LSI, mendoj se jemi në një situatë krejt tjetër të rrethanave historike. LSI e përfundoi misionin e saj për të zhbllokuar integrimin, çka e arriti përmes rrotacionit në 2005, pasi qeveria Nano po mbante peng Stabilizim Asociimit, atëherë e bëjmë para Serbisë e Malit të Zi. Është e tmerrshme për popullin tonë dhe mua që ka 10 vite që mali i Zi ka çelur negociatat dhe Shqipëria pati një çelje formale dhe do të jetë e vështirë të ecim.

Pyetjes pse Partia e Lirisë?

Meta iu përgjigje duke thënë: “Sepse këtu është kërcënuar liria, kryeministri thotë e di se ç'mendoni. Patronazhistët dinë çdo gjë që bëni ju dhe mendoni ju. Nuk po flasim për tendera sekrete e transparencë, as për përndjekjen politike që ndodh çdo ditë me dhjetëra mijëra gjoba që i vihen qytetarëve. Janë vënë në diskutim serioz të drejtat e liritë e qytetarëve.

Emri ka ardhur i frymëzuar nga populli i 2 marsit, i cili jo detyrimisht do ta gjejë veten këtu, por kjo forcë e re, përfshirë LSI dhe të gjithë forcat e reja, është frymëzuar nga mesazhi i sovranitetit dhe daljes zot të vendit”, tha ai në emisionin "Open"./CNA.al





Lajmet e fundit nga