web counter
LEXO PA REKLAMA!

SHKARKO APP

App Store
Google Play

E fundit!

x

Rivalitet mes opozitës?/ Çfarë pritet të ndodhë në orën 19:00

25 Korrik 2022, 18:57, Politikë CNA
Rivalitet mes opozitës?/ Çfarë pritet të ndodhë
Sali Beisha dhe Ilir Meta

Në orën 19:00 priten zhvillime të reja politike.

LSI do të mbajë konventën e saj, e cila do të zhillohet një ditë pasi Ilir Meta la Presidencën.

Ky i fundit, një ditë pas heqjes së “kostumit” të kreut të shtetit, ka paralajmëruar një luftë të fortë politike përballë mazhorancës aktuale.

Në një dalje publike gjatë ditës së hënë ai ka theksuar se tani nis lufta për drejtësinë e vërtetë, duke paralajmëruar se do të kërkojë referendum, madje duke krijuar edhe idenë se përveç LSI-së ai mund të ngrejë një tjetër fraksion politik.

Siç edhe ishte paralajmëruar sot në orën 19:00 Lëvizja Socialiste për Integrim do të zhvillojë Konventën Kombëtare, ku pritet riorganizimi i kësaj force politike, por edhe ndryshime në kryesi.

Konventa e thirrur nga LSI nuk mund të jetë një rastësi, pasi ajo mblidhet pikërisht një ditë pasi Meta la përfundimisht presidencën, ku siç ka deklaruar shpesh do të rikthehet fuqishëm në politikë.

Por edhe kreu i PD Sali Berisha ka paralajmëruar se në orën 19:00 do të zhvillojë një takim me banorët e qarkut të Fierit.

Pyetjet që mund të ngrihen në këtë moment janë: A është kjo një strategji e Metës dhe Berishës për të luftuar Ramën në dy fronte të ndryshme?

Apo mes Berishës dhe Metës tashmë ka nisur një rivalitet politik se kush do të jetë numri një i opozitës në shtator?

Ajo që mund të mendohet deri tani nga deklaratat e Metës dhe Berishës, është një bashkëpunim i dyshes, si dikur, për të rrëzuar qeverinë socialiste në pushtet. Tashmë pritet të shihet se si do të vijojë situata politike./CNA.al





Lajmet e fundit nga