LEXO PA REKLAMA!

SHKARKO APP

E fundit!

x

Skandali i inceneratorëve/ Berisha tregon "mafiozin" në Kryeministri

25 Korrik 2022, 12:55, Politikë CNA

Skandali i inceneratorëve/ Berisha tregon "mafiozin" në

Kryetari i Partisë Demokratike, Sali Berisha, ka dalë sot në një deklaratë për mediat, ku ka hedhur akuza të forta në lidhje me skandalin e inceneratorëve.

Berisha tha se “Edi Rama është koka e kësaj afere të tmerrshme”, por shtoi se i dyti pas Ramës, është Sekretari i Përgjithshëm i Kryeministrisë, Engjëll Agaçi.

"Arben Ahmetaj është strumbullar i vjedhjes monstruoze. Por para se të shkojmë te ai, dua të ndalem te i dyti pas Edi Ramës. Ai është mafiozi, që unë e kam quajtur Don Agaçio Dhuratmadhi.

Ky mafioz ka shkelur nga Kodi Penal, nenet e shpërdorimit të detyrës, e shkeljes së barazisë në tendera, e fshehjes së të ardhurave, e përfitimit të paligjshëm, korrupsionit pasiv, pastrimit të produkteve të veprave penale, moskallëzim krimi, etj.

Ai, në mënyrë më të papërgjegjshme, është promotor i aplikimit të procedurës me negociata të mbyllura.

Po rikujtoj këtu se, detyra e tij më kryesore është një: të shikojë përputhjen me aktet ligjore të vendimeve të qeverisë.

Ai ka një departament specialistësh, të sprovuar juridikë dhe ka një departament të luftës kundër korrupsionit.

Por, interesi i pasurimit të tij personal, e shtyn këtë mafioz të shkruajë se, të mashtrojë se autoriteti kontraktues ka shpallur procedurën. Autoriteti kontraktues nuk ka shpallur asnjë procedurë, por e ka dhënë me negociata të mbyllura si në shpellat e mafias.

Këtu fillon afera e tmerrshme mbi 450 milionë euro të vjedhura.”-tha ndër të tjera Berisha./CNA.al

Lajmet e fundit nga