web counter
LEXO PA REKLAMA!

SHKARKO APP

App Store
Google Play

E fundit!

x

“Shqipëria, shtet artificial”/ Vasili sulmon Richard Hodges: As armiqtë s'kanë guxuar të gënjejnë kaq bastardisht

24 Korrik 2022, 21:35, Politikë CNA
“Shqipëria, shtet artificial”/ Vasili sulmon Richard Hodges: As
Nënkryetari i LSI-së, Petrit Vasili

Nënkryetari i LSI-së, Petrit Vasili, ka reaguar pas videos së Richard Hodges, kreut të Fondacionit që do të menaxhojë Butrintin, i cili e ka quajtur Shqipërinë gjatë një leksioni para studentëve, “shtet artificial”.

Me anë të një statusi në rrjetet sociale, Vasili falënderon Auron Taren që nxori videon dhe deklaron se ai ka votuar kundër marrëveshjes për Butrintin në Parlament.

Ai thotë se as armiqtë tanë më të zinj s'kanë guxuar të gënjejnë kaq bastardisht sa Hodges.

“Një korigjim i vogël dhe një falenderim i madh Auron Tares!

Falenderim Auronit për letrën ndaj deputetëve e veçanërisht edhe për videon, që tregon se në çfarë duarsh të liga ka rënë Butrinti.

Auron në letër ke vetëm një gabim të vogël kur thua: "Prof. Richard Hodges, është personi të cilin Ju e votuat në unanimitet".

Marrëveshja për Butrintin e miratua nga Rilindja, ndërsa unë vetë kam votuar kundër, por jo vetëm unë.

Megjithatë sërish shumë falenderim për këtë video, ku tregohet qartë se si Richard Hodges, kreut i Fondacionit, që do të menaxhojë Butrintin ju flet studentëve për Shqipërinë:

“Është një vend (Shqipëria) i krijuar artificialisht pa pasur asnjë shqiptar, nga anglezët dhe fuqitë e tjera të mëdha në Londër. Morën një vendim politik pas Luftës së Dytë Ballkanike”– thotë Hodges.

As armiqtë tanë më të zinj s'kanë guxuar të gënjejnë kaq bastardisht si ky Hodges, që është i superpreferuari i Ramës dhe Rilindjes”, shkruan nënkryetari i LSI-së./ B.A. - CNA.al

 




Lajmet e fundit nga