web counter
LEXO PA REKLAMA!

SHKARKO APP

App Store
Google Play

E fundit!

x

Fjalimi qesharak i Presidentit Begaj/ Flet "përçart" për integrimin

24 Korrik 2022, 20:26, Politikë CNA
Fjalimi qesharak i Presidentit Begaj/ Flet "përçart"
Presidenti Bajram Begaj

Bajram Begaj u betua sot në Parlament dhe mori zyrtarisht detyrën si President i Republikës.

Gjatë ceremonisë, Begaj dha një sërë mesazhesh për politikën, por një detaj vë në pah fjalimin qesharak të Kreut të ri të Shtetit.

“Shqipëria jonë e dashur, ka hyrë në një rrugë të pakthyeshme europiane; trashëgimia e mëhershme e dilemave dhe e dyshimeve për orientimin e saj, i takon tashmë së shkuarës”, ishte njëra nga deklaratat e Presidentit të ri, teksa iu drejtua Kuvendit.

Por është pikërisht kjo fjali ajo që e bën të gjithë fjalimin e tij qesharak, pasi Shqipëria nuk ka hyrë tani në rrugën europiane.

Në fakt, që pas rrëzimit të diktaturës dhe vendosjes së demokracisë, Shqipëria nuk ka pasur kurrë dyshim për orientimin europian të vendit.

Qëllimi i të gjithë shqiptarëve dhe Shqipërisë ka qenë dhe është rruga drejt BE, por kjo  rrugë nuk ka nisur në vitin 2022.

Zyrtarisht u njoh nga BE si "shtet kandidat potencial" në vitin 2000 dhe pas kësaj Shqipëria filloi bisedimet me Marrëveshjen e Stabilizim dhe Asocimit (MSA) në vitin 2003.

Për këtë u ra dakord me sukses dhe u nënshkrua më 12 qershor 2006, duke kompletuar kështu hapin e parë të rëndësishëm drejt anëtarësimit të plotë të Shqipërisë në BE. Shqipëria aplikoi për anëtarësim në Bashkimin Europian në prill të 2009-ës dhe tashmë i janë çelur zyrtarisht negociatat për të qenë vend anëtar i BE-së./ B.A. – CNA.al





Lajmet e fundit nga