web counter
LEXO PA REKLAMA!

SHKARKO APP

App Store
Google Play

E fundit!

x

Ndoqi Bashën në Kuvend/ “Justifikohet” Ina Zhupa: Më detyroi mandati

24 Korrik 2022, 18:37, Politikë CNA
Ndoqi Bashën në Kuvend/ “Justifikohet” Ina Zhupa: Më
Deputetja Ina Zhupa

Ndonëse PD kishte paralajmëruar se do ta bojkotonte, deputetja Ina Zhupa dhe disa deputetë të tjerë të grupit të Lulzim Bashës u paraqitën në seancën e jashtëzakonshme parlamentare, ku u betua Bajram Begaj si President.

Pas betimit të Kreut të ri të Shtetit, Zhupa justifikoi pjesëmarrjen e saj në këtë seancë.

Në një prononcim për mediat, Zhupa tha se mori pjesë në betimin e Begajt, pasi e detyron mandati i deputetes.

Ajo deklaroi para gazetarëve se kryetari i PD-së, Sali Berisha, e dinte për pjesëmarrjen e saj dhe theksoi se zgjedhja e Presidentit të ri ishte e njëanshme.

“Presidenti foli si garant që do të qëndrojë mbi palët politike dhe do të jetë aty për të respektuar Kushtetutën dhe ligjet e Shqipërisë. Nga puna si deputete e kisha detyrë institucionale që të respektoja Kushtetutën dhe institucionet e vendit. Shpresoj dhe jam e bindur që Bajram Begaj do të dekretojë qeverinë e Partisë Demokratike qoftë me zgjedhje.

Ç’është e drejta e keni parë deklaratën e Partisë Demorkatike. PD me të drejtë e ka cilësuar ditën e sotme si ditën e vendosjes së monizmit, sepse edhe Presidenti u vendos nga Edi Rama. Prezenca ime këtu, nuk është se kemi pasur një qëndrim apo mbledhje grupi, por një qëndrim zyrtar të PD. Por gjithsecili anëtar merr një vendim personal. Patjetër që zoti Berisha është në dijeni të prezencës sime sot këtu”, theksoi Zhupa./ B.A. - CNA.al





Lajmet e fundit nga