web counter
LEXO PA REKLAMA!

SHKARKO APP

App Store
Google Play

Meta çon “misionin” deri në fund/ Jep një tjetër dekoratë para largimit

23 Korrik 2022, 20:20, Politikë CNA

Meta çon “misionin” deri në fund/ Jep një

Ilir Meta gjatë qëndrimit të tij në krye të shtetit do të mbahet mend si presidenti që ka dhënë më shumë dekorata.

Por kur është në ditën e fundit të tij në Presidencë, Meta është kujdesur që ta çojë “misionin” deri në fund.

Ai sot ka dekoruar shkrimtarin Dritëro Agolli. Meta vlerëson me “Dekoratën e Flamurit Kombëtar”, më të lartën e shtetit shqiptar, poetin e njohur.

““Presidenti i Republikës, Sh.T.Z Ilir Meta vlerëson me “Dekoratën e Flamurit Kombëtar”, më të lartën e shtetit shqiptar, poetin e përjetshëm të tokës, atdheut dhe dashurisë, Dritëro Agolli.

MOTIVACIONI:

“Me vlerësimin më të lartë për personalitetin e shquar të letërsisë, kulturës dhe trashëgimisë sonë kombëtare, i cili me veprën e tij të pashembullt poliedrike e shumëdimensionale: letrare, artistike, estetike, filozofike, enciklopedike, akademike, politike dhe shoqërore, mishëroi virtytet më të vyera të shqiptarizmës si dhe ngjizi në shpirtin e kombit shqiptar atdhedashurinë dhe patriotizmin, dashurinë për tokën, njeriun dhe gjuhën e bukur shqipe, duke u kthyer në një shërbestar humanist dhe apostull besnik i ëndrrës shekullore të rilindasve tanë.”

Ky është edhe aktiviteti i fundit zyrtar i Presidentit të Republikës, Sh.T.Z Ilir Meta”, njofton Presidenca./CNA.al





Lajmet e fundit nga