E fundit!

16:16 Aktualitet

Faktet/ Pse Veliaj vonon procesin gjyqësor dhe frika që ka nga drejtësia

Një person, i cili beson te pafajësia e tij, shkon dhe për...

Bajram Begaj betohet si president/ Opozita e përçarë, çfarë do ndodhë nesër

23 Korrik 2022, 18:31, Politikë CNA

Bajram Begaj

Kuvendi do të mblidhet nesër në një seancë të posaçme plenare, ku do të bëhet betimi i presidentit të ri Bajram Begaj.

Por duket se edhe në këtë seancë do të ketë një përçarje të opozitës.

Aleatët, njësoj si në procesin e votimit, ashtu edhe nesër do të marrin pjesë në seancë. Agron Duka, kreu i PAA për CNA.al konfirmoi pjesëmarrjen në seancë.

Po ashtu, edhe gripimi i vogël i PD që njihen si mbështetësit e Lulzim Bashës, kanë konfirmuar pjesëmarrjeën, me argumentin se janë në respekt të Kushtetutës dhe institucioneve.

"Ne do marrim pjese ne seancen e neserme ne Kuvend. Seanca e neserme eshte e parashikuar nga Kushtetuta.

Qendrimin tone per z. Begaj e kemimbajtur dhe eshte i qarte. Ai perfaqeson zgjedhjen e njeaneshme te mazhorances dhe nuk perfaqeson gjysmen e shqiptareve.

Por ka nje ndryshim midis individit Bajram Begajt dhe Presidences se Republikes si institucion. Kemi respektuar e do te respektojme Kushtetuten dhe institucionet e jo individet. Jemi shume te qarte ne kete pozicion.

Edhe ne 2017 kur z.Meta u zgjodh president PD atehere nuk mori pjese ne votim por mori pjese ne ceremonine e betimit", shprehet Alibeaj.

Nga ana tjetër, grupimi i përfaqësuar nga Sali Berisha do e bojkotojnë seancën e betimit të Begajt. Qysh prej fillimit të procesit, ata e kanë cilësuar zgjedhjen e presidentit të ri si antikushtetuese dhe vijojnë ti qëndrojnë të njëjtit mendim.

Burime të sigurta brenda PD konfirmuan për CNA.al se do e bojkotojnë seancën plenare që do mbahet nesër.

Kujtojmë këtu, se Bajram Begaj u zgjodh President i Republikës në seancën e 4 qershorit në Parlament, ku 83 deputetë morën pjesë në votim.

Begaj u zgjodh me 78 vota pro, teksa 4 deputetë votuan kundër dhe pati një abstenim.

Prej tyre, 74 ishin deputetë të Partisë Socialiste, 8 të opozitës përkatësisht Lëvizjes Socialiste për Integrim dhe Partisë Për Drejtësi Integrim dhe Unitet si dhe 3 nga Partia Social Demokrate./CNA.al