web counter
LEXO PA REKLAMA!

SHKARKO APP

App Store
Google Play

Bilanci negativ i Ujësjellësave/ Balluku tregon si mund ta përmirësojnë performancën

22 Korrik 2022, 21:05, Politikë CNA
Bilanci negativ i Ujësjellësave/ Balluku tregon si mund ta
Ministrja e Infrastrukturës dhe Energjetikës, Belinda Balluku

Ministrja e Infrastrukturës dhe Energjetikës, Belinda Balluku, ka treguar bilancin negativ të ndërmarrjes së Ujësjellës-Kanalizimeve.

Gjatë takimit për nënshkrimin e Marrëveshjeve për krijimin e shoqërive të reja të Ujësjellësave, në Pogradec, Balluku renditi disa nga hapat pas të kësaj ndërmarrjeve.

“39% të shoqërive të vjetra të Ujësjellës-Kanalizimeve furnizojnë me më pak se 10 orë ujë në ditë, 28% e Ujësjellës-Kanalizimeve kanë një nivel të humbjeve mbi 67%, 50% e ndërmarrjeve arkëtojnë më pak se 70% të faturave, ndërkohë që 34 ndërmarrje edhe pse janë investuar në total 130 milionë euro vetëm dy vitet e fundit, kanë raportuar rritje të humbjeve. Detyrimet e energjisë ndaj OSHEE-së thellohen çdo vit me 2.5 miliardë lekë dhe ky është një fakt i pandryshueshëm. I përmenda të gjitha këto pasi padyshim disa nga kryetarët e bashkive treguan mbarëvajtje të Ujësjellësave, ndoshta na është dashur të diskutojmë dhe argumentojmë me disa prej jush pse duhet bërë kjo reformë në sistemin e ujësjellës kanalizimeve dhe pse është shumë e rëndësishëm tashmë që të agregohen”, u shpreh ajo.

Më tej, ministrja deklaroi se firmosja e marrëveshjeve do të përmirësojë performancën e secilës ndërmarrje dhe shërbimin për qytetarët.

“Vendimi i Këshillit të Ministrave, i cili i hapi rrugë kësaj reforme është aprovuar në muajin maj dhe sot në mes të korrikut, ne kemi 10 ndërmarrje të agreguara. Unë shpresoj shumë që shumë shpejt bashkia e Tiranës, me gjithë bashkitë e tjera të qarkut, ajo e Shkodrës, e Beratit e kështu me radhë, do të jenë firmëtare për të përmbyllur të gjithë procesin që ishte faza e parë e firmosjes së marrëveshjeve dhe të kalojmë në fazën e dytë, atë të agregimit, vlerësimit financiar dhe të gjitha aseteve të kompanive tuaja. Sigurisht ky është një akt i rëndësishëm, i cili do të përmirësojë performancën e secilës ndërmarrje, por nga ana tjetër synimi ynë është ofrimi i një shërbimi cilësor për qytetarët”, theksoi Balluku./ B.A. – CNA.al





Lajmet e fundit nga