web counter
LEXO PA REKLAMA!

SHKARKO APP

App Store
Google Play

Rama ashpërson tonet me drejtoritë e Ujësjellësve/ 6 herë më shumë punonjës sesa duhet

22 Korrik 2022, 20:06, Politikë CNA
Rama ashpërson tonet me drejtoritë e Ujësjellësve/ 6
Kryeministri Edi Rama

Kryeministri Edi Rama ka folur me tone të ashpra ndaj drejtorëve të Ujësjellësve, në lidhje me punësimet në këtë ndërmarrje.

Nga Pogradeci, Rama tha se në Ujësjellësa janë punësuar 6 herë më shumë punonjës sesa duhet.

Sipas tij, kjo paktikë punësimi ka ardhur si ndere për krushqit, ndaj i kërkoi drejtuesve që të marrë fund.

“Ne kemi 6 herë më shumë punonjës ujësjellësi sesa na duhen. Nga vinë këta? Nga rrugët e krushqive. Po nuk mund të bësh dot politikë sociale punësimi me ndërmarrjet. Nëse kemi pas sukses me energjinë është se kthyem OSHE nga një rifuxho njerëzish që i fusnin deputetët dhe krushqit.

Ndërkohë që në ujësjellësa është një gjë e paimagjinueshme dhe kjo marrëveshje që është një tërësi ndërvarësish midis bashkisë dhe qeverisë, do të bëjë që kjo praktikë “sociale”, se kjo është në thonjëza sociale, në të vërtetë kriminale dhe që duhet të marrë fund, në lidhje me financat e shtetit.

Në kushtet kur kostot e energjisë janë bërë marramendëse, ju e doni që t’i faturoni arkës së shtetit jo vetëm koston e rritur, por më shumë se gjysmën e të gjithë energjisë që harxhoni. Ju doni të mos paguani më shumë se gjysmën e energjisë. Kjo nuk mund të ndodhë më se nuk është gjysma e energjisë  që ishte para se të fillonte kjo kriza e tmerrshme, por është më shumë se gjysma e energjisë në kushtet kur kjo kushton sa qimet e kokës. Problemi tani është ka apo s’ka energji se edhe mund të kesh lekët, por s’ka energji”, theksoi kreu i qeverisë gjatë aktivitetit për nënshkrimin e Marrëveshjeve për krijimin e shoqërive të reja të Ujësjellësve në bashkitë e qarqeve Gjirokastër, Lezhë, Fier, Elbasan, Lushnje./ B.A. – CNA.al





Lajmet e fundit nga