SHBA dhe Angli shpallën "non grata" Berishën/ Paloka: Mos u habisni kur edhe këto dy shtete të vendosin sanksione

23 Korrik 2022, 18:17, Politikë CNA

SHBA dhe Angli shpallën "non grata" Berishën/ Paloka: Mos u

Edi Paloka

Kreu i Këshillit Kombëtar të PD-së, Edi Paloka, ka folur ditën e sotme mbi vendimin e Mbretërisë së Bashkuar, e cila shpalli "non grata" Sali Berishën.

Në një intervistë për emisionin “Kjo Javë”, Paloka tha se për pozicionin politik të Berishës nuk ndryshon asnjë gjë, ndërsa e pranon se për PD-në vendimi i Anglisë është një rëndesë.

Ai theksoi se nuk do të jetë çudi kur ndonjë ditë të dalë edhe Kanadaja dhe Zelanda e Re për të vendosur të njëjtat sanksione, dhe për këtë Paloka i referohet një marrëveshje që këto shtete kanë ndërmarrë me njëra-tjetrën.

“Berisha i bëri komentet e veta dhe për mua nuk ka asnjë ndryshim deri dje. Jemi në të njëjtat pozita. Ka një marrëveshje mes SHBA-së , Britanisë, Kanadasë, Suedisë dhe Zelandës së Re mos gaboj që për akte të tilla, kanë një marrëveshje që ndërmarrin të njëjtat akte. Mos të na duhet habi kur nesër të dalë Kanadaja, apo Zelanda e Re. Do t’i duhet të mos shkojë edhe në Britani tani kjo është rëndesë, por për pozicion politik nuk ndryshon asgjë”, tha Paloka.

Ai më tej shtoi: “Them të njëjtën gjë kur u shpall 'non-grata' nga SHBA. Shqiptarët e kanë dhënë vendimin e tyre lidhur me këtë çështje. E dhanë në 11 dhjetor, në 6 mars dhe 7 korrik. Brenda Shqipërisë nuk ndryshon asgjë. Sa i përket Ramës dhe qeverisë, Ramën e kemi dëgjuar që ta deklarojë haptazi që opozita të shkrihet. E ka thënë; kjo opozitë duhet ë ishte shkrirë me kohë. janë duke i dhënë një dorë dhe këto akte. S’ka ndryshuar asgjë. E kam pasur bindje apo 9 shtatorit që akti që u ndërmor për Berishën, është i sponsorizuar, i lobuar, nga njerëz që mbajnë në pushtet Edi Ramën, si Sorosi. Ambasadorja psh, amerikane, se thonë si po sulmoni ju ambasadoren. Ajo nuk doli kundër PD pasi u shpall non-grata Berisha. ajo ka qenë në krah të qeverisë dhe pro Ramës. Ua kam thënë zotit Basha; ‘vëri fre, vëri kufij ambasadores së SHBA-së. Vendosi kufirin’. S’mund të ndërhyjë ambasadorja në kufijtë e brendshëm të një partie. Ore duam që të kemi kryetarin non-grata, kush je ti që ndërhyn. Po e kaloj në cinizëm tani. Kush je ti? E dimë se është çështjes e DASH. Edhe ta njoftosh ndoshta se ke detyrim. Kush je ti që i thua grupit parlamentar të PD që mos e zgjidhni, përkushtoheni Sali Berishën. Edhe pasi i kaloi kjo ambasadore limitet, njerëzit e treguan veten. Nuk them se është një gjë normale. Ndoshta na del Zelanda e Re, apo Kanadaja që e shpallin 'non-grata'”./CNA.al