web counter
LEXO PA REKLAMA!

SHKARKO APP

App Store
Google Play

Djali i ish-presidentit në krah të Berishës/ E ka fituar betejën me historinë

23 Korrik 2022, 14:34, Politikë CNA

Djali i ish-presidentit në krah të Berishës/ E ka fituar

Djali i ish-Presidentit Bujar Nishani, Ersilio Nishani ka reaguar pasi Britania e Madhe shpalli “non grata” ish-kryeministrin Berisha.

Në një postim në rrjetet sociale, Nishani shkruan se Berisha e ka fituar betejën me historinë pasi partia shtet ka kapur çdo institucion të varur dhe të pavarur.

“Sali Berisha e ka fituar betejën e tij me historinë!

Fletërrufeja e fundit më shumë sesa një sulm personal ndaj Sali Berishës është një përpjekje, disi zhgënjyese, për të përçarë dhe dobësuar opozitën dhe për rrjedhoje demokracinë në Shqipëri. Opozita shqiptare në 8 vitet e fundit po shkonte drejt asgjësimit. Rikthimi i Sali Berishës në krye të saj është një shkëndijë shprese jo vetëm për ne demokratët, por për të gjithë ata shqiptarë, të cilët duan të çlirohen nga kthetrat e regjimit banditesk të Edi Ramës.

Sot demokracia në Shqipëri është më e dobët se kurrë në këto 30 vite. Sot partia shtet ka kapur çdo institucion të varur e të pavarur, ka ndryshuar kushtetutën me mandate të blera pa përfillur as edhe një çast vullnetin e popullit, ka ndryshuar kodin zgjedhor dhe në bashkëpunim me krimin ka bërë çdo gjë për ta pamundësuar votën e lirë dhe rotacionin e pushtetit.

Ëinston Churchill, titani i politikës britanike dhe asaj botërore thoshte:

“Në fund, dedikimi më i madh ndaj demokracisë është njeriu i thjeshtë, pa pushtet, i cili niset drejt kutive të votimit me një laps në dorë e vendos një kryq në një copë letre – asnjë lloj thirrje apo retorike nuk do të ul kurrë rëndësinë madhore të këtij akti.”

Prandaj dhe shqiptarët në ditën e votimit, nuk do të ketë fletërrufe që t’i ndaloj të ushtrojnë aktin primar të demokracisë dhe të shporrin regjimin banditesk të Edi Ramës”-shkruan Nishani./CNA.al

Djali i ish-presidentit në krah të Berishës/ E ka fituar





Lajmet e fundit nga