Në ikje e sipër/ Përse e ka me aq ngut Ilir Meta rregullimin në punë të Ornela Zonjës?…

23 Korrik 2022, 15:30, Opinione Endi Berisha

Ilir Meta

Krejt e panjohur, një anonime e rëndomtë nga ato që LSI punësonte në ndërmarrjet e shtetit që i trajtonte si të sajat gjatë kohës që ndante pushtet sa me PD-në dhe aq me PS-në, Ornela Zonja një ditë e pa veten në zyrën e Alqi Bllakos, pra Sekretare e Përgjithshme e Presidencës së Ilir Metës.

E marrë nga besniket e partisë së tij, Ilir Meta e zgjodhi Ornelën për të zëvendësuar djalin plangprishës, Alqi Bllakon, të cilit i kishte premtuar në atë kohë se do ta bënte Kryetar të Kontrollit të Lartë të Shtetit.

Largimi i Alqi Bllakos e bashkimi me PS-në, shënon edhe fillimin e fatit të Ornelës në krye të administratës së Presidentit të Republikës.

Sekretarja e Përgjithëshme jo vetëm u bë në këtë mënyrë kanakarja e shefit të vet, por ia doli të bëhej njeriu që bënte ligjin në selinë e Presidentit.

Marrëdhënia e ngushte me shefin i mjaftoi Ornelës që t’i bënte zap të tjerët, por edhe të vendoste kontrollin e saj të plotë mbi të gjitha praktikat e dhënies së shtetësive, të dekoratave e kështu me rradhë, pa lënë mënjanë prokurimet e deri edhe blerjet e vogla që në llogari të fundit nuk dalin që të jenë më të vogla, sepse vetëm për blerje të tufave me lule që Ornela kujdesej të zbukuronin zyrën e shefit rezultojnë të faturuara disa milionë lekë.

Por, ndërsa Presidenti Meta është bërë gati të ikë për t’u zëvendësuar nga Presidenti i zgjedhur Bajram Begaj i cili e merr detyrën nesër, Ornela shprehet e sigurtë nëpër zyrat e presidencës se shefi ia ka rregulluar që të fillojë punë në Bankën e Shqipërisë, ndërkohë që të tjerët janë nën akthin e pritjes se çdo të ndodhë me fatin e tyre pasi të fillojë punë presidenti i ri.

Pyetja që lind është; përse e ka me aq ngut Ilir Meta rregullimin në punë të Ornela Zonjës aq sa kjo e fundit shprehet e sigurtë që shefi e ka rregulluar të fillojë në Bankën e Shqipërisë?

Nëpër korridoret e Presidencës flitet për gjithëfarëlloj lidhjet e aferash, por përtej atyre sentimentale, më të besueshëm janë ata që flasin për do fatura pagesash më çmime fantastike udhëtimesh të Presidentit, të cilat nëse janë të vërteta do të përbënin një skandal më vete.

K?shtu fjala vjen flitet për një biletë udhetimi deri në 8 mijë euro për Presidentin gjatë udhëtimit të tij të fundit në SHBA ku vajti në 110 vjetorin e “VATRËS” apo për biletë Biznes Class në udhëtimin e Presidentit me avion nga Tirana në Bari, kur dihet që ky avion nuk ka zonë të udhëtimit në biznes.

Mbase Presidenti nuk i di keto shuma marramendëse të shpenzuara për udhëtimet e tij, mbase nuk i di as pagesat e kripura për tufat me lule që Ornela ia le në zyrë apo se vetem ditët e fundit janë shpenzuar disa miliona lekë për dezifektimin e oborrit të presidences nga insektet, por të paktën mirë qe e di se Ornela e tij duhet rregulluar në punë të mirë në Bankën e Shqipërisë, aty ku politikanët shqiptarë rregullojnë në punë gratë, vajzat apo edhe dashnoret e tyre./CNA.al