web counter
LEXO PA REKLAMA!

SHKARKO APP

App Store
Google Play

Meta dorëzon detyrën/ KLSH bëhet gati të mësyjë në Presidencë

23 Korrik 2022, 20:09, Politikë CNA
Meta dorëzon detyrën/ KLSH bëhet gati të mësyjë
KLSH

Ndërsa po bëhet gati të zhvillojë edhe ceremoninë e fundit si President i Republikës, atë të largimit të tij dhe të marrjes së detyrës nga Presidenti Bajram Begaj, Ilir Meta nuk ka reshtur së dhëni dekorata, te cilat vetëm gjatë muajit të fundit janë në mbi dyqind, duke e bërë krejt të pavlerë solemnitetin dhe emocionin e dekorimit.

Në administratën e Presidentit janë harxhuar të gjitha fondet e parashikuara për prodhimin e dekoratave, aq sa Presidentit të ri që do të marrë detyrën nesër do t’i duhet të presë buxhetin e vitit të ardhshëm për të prodhuar dekoratat, sepse ato janë mbaruar të gjitha.

Pra, përveç fondeve që janë harxhuar, nuk ka dekorata as në magazinë.

Meta dorëzon detyrën/ KLSH bëhet gati të mësyjë
Ornela Zonja

Ndërkaq, bëhet e ditur se Kontrolli i Lartë i Shtetit është bërë gati të mësyjë për kontroll në institucionin e Presidentit të Republikës, pasi ka marrë njoftim për shkelje skandaloze të bëra nga Sekretarja e Përgjithshme Ornela Zonja (Muhametaj) me procedurat e blerjes së biletave të udhëtimit jashtë vendit të Presidentit Ilir Meta, por edhe me shpenzime të tjera, të cilat siç thonë në selinë e Presidentit, janë bërë në kundërshtim me procedurat dhe me fatura fiktive, të cilat përgjegjësja e prokurimeve në Presidencë, Erjena Berisha, është detyruar t’i firmosë në kundërshtim me vullnetin e saj.

Meta dorëzon detyrën/ KLSH bëhet gati të mësyjë
Ilir Meta

Gjithsesi, mbetet për t’u parë se çfarë do të zbardhë Kontrolli i Lartë i Shtetit, ndërkohë që edhe SPAK-u ka gjasë të investohet për të zbardhur aferat e korrupsionit eventual./CNA.al





Lajmet e fundit nga