web counter
LEXO PA REKLAMA!

SHKARKO APP

App Store
Google Play

E fundit!

x

Meta i dorëzon stafetën Begajt/ Detajet nga ceremonia, çfarë do të ndodhë sot

24 Korrik 2022, 08:38, Politikë CNA
Meta i dorëzon stafetën Begajt/ Detajet nga ceremonia,
Presidenca

Ilir Meta i dorëzon sot stafetën presidentit të ri Bajram Begaj.

Pas 5 viteve në krye të shtetit, Meta do t'i hapë rrugë presidentit të zgjedhur nga shumica në Kuvend, ku sot në një seancë të posaçme do të kryhet edhe ceremonia e betimit.

Pritet që në Kuvend të jenë të gjitha grupet parlamentare, përveç deputetëve mbështetës të Sali Berishës, të cilët ende nuk kanë dhënë një konfirmim.

Kuvendi do të mblidhet sot në orën 18:00 dhe Begaj, sipas procedurës, do të betohet me dorën mbi kushtetutë. Më pas ai do të drejtohet drejt Presidencës.

Atje Ilir Meta do ta presë përmes një ceremonie shtetërore për t’i dorëzuar zyrtarisht detyrën. Tekstin e betimit në Presidencë, Begajt do t’ia lexojë kryetarja e Gjykatës Kushtetuese, Vitore Tushaj.

Më pas, Ilir Meta do të lërë Presidencën dhe nga ky moment nis një cikël i ri për Begajn si president i Republikës. Ai u zgjodh kryetar i ri i shtetit në qershor. Në seancën parlamentare të 4 qershorit 2022, Begaj u zgjodh President i ri i Shqipërisë me 78 vota pro, 4 kundër dhe 1 abstenim. Edhe këtë herë Shqipëria nuk ka një president konsensual, të gjithëpranuar, pasi marrëveshja mes opozitës dhe mazhorancës dështoi.

Pogrami i ceremonisë në Presidencë:

18:45 – 19:15- Mbërritja e të ftuarve

19:15 – Mbërritja e Presidentit të Republikës SH.T.Z. Bajram Begaj në Presidencë

19:29 – Presidenti i Republikës SH.T.Z. Bajram Begaj bashkë me ish-Presidentin e Republikës SH.T.Z. Ilir Meta, dalin nga Presidenca dhe zënë vend në tribunë

19:30 – Luhet Himni Kombëtar nga Orkestra Frymore e Forcave të Armatosura, shoqëruar nga 21 të shtëna topi

19:35 – Znj. Vitore Tusha, Kryetare e Gjykatës Kushtetuese i dorëzon Presidentit, Kushtetutën e Republikës së Shqipërisë.

19:40 – Fjala e Presidentit të Republikës, SH.T.Z. Bajram Begaj.

19:50 – Largimi i ish-Presidentit të Republikës, SH.T.Z. Ilir Meta

19:53 – Komandanti i Truprojës së Nderit i Forcave të Armatosura i paraqet forcën Presidentit. Kalim në revistë i Presidentit.

19:58 – Presidenti i shoqëruar nga familja hyjnë në Presidencë

20:00 – Pritje zyrtare në oborrin e Presidencës./CNA.al





Lajmet e fundit nga