web counter
LEXO PA REKLAMA!

SHKARKO APP

App Store
Google Play

E fundit!

x

Reagojnë mediat/ Fjalimi i parë i Begajt si President, nuk e përmend Kosovën

24 Korrik 2022, 20:53, Politikë CNA
Reagojnë mediat/ Fjalimi i parë i Begajt si President, nuk e
Presidenti i ri i Shqipërisë, Bajram Begaj në parlament

Presidenti i ri i Shqipërisë, Bajram Begaj, ka mbajtur sot fjalimin e tij të parë para Kuvendit të Shqipërisë, në të cilin nuk përmendi Kosovën. Në fjalimin e tij, që zgjati diku rreth 3 minuta, ai përmendi ndër të tjera edhe luftën në Ukrainë, ku tha se pasojat e saj i prekin edhe shqiptarët, por që gjithsesi shqiptarët janë të rreshtuar në anën e duhur krah aleatëve.

“Lufta e Ukrainës e ka futur botën në një tjetër krizë, duke zgjuar kujtimet e errëta të pasojave katastrofike që prodhon lufta. Askush nuk mund të jetë i përjashtuar nga pasojat e saj, as Shqipëria dhe shqiptarët, të cilët janë rreshtuar në anën e duhur krah aleatëve”, tha ai, informon gazeta "Express".

Pas betimit u shpreh se Shqipëria europiane është ajo e Skënderbeut, Nënë Terezës, Ismail Qemailit e Fan Nolit. Në fjalën e tij, ai tha se e njeh punën e qeverisë dhe atë që është bërë deri më tani, por përpjekja dhe dëshira nuk mund të justifikojnë asnjë dështim. Ai po ashtu pati një fjalë edhe për opozitën.

“Unë e njoh dhe e respektoj përpjekjen e opozitës, por do të doja të mos shihet asnjëherë konflikti para bashkëpunimit”, është shprehur Begaj.

Deputetët e opozitës nuk duartrokitën në përfundimin e fjalimit të tij. Begaj u zgjodh president me 78 vota pro dhe katër kundër dhe një abstenim në Kuvendin e Shqipërisë më 6 qershor./CNA.al





Lajmet e fundit nga