web counter
LEXO PA REKLAMA!

SHKARKO APP

App Store
Google Play

E fundit!

x

Gara për kreun e FRPD-së/ Mariglend Doçi shpall kandidaturën

24 Korrik 2022, 21:40, Politikë CNA
Gara për kreun e FRPD-së/ Mariglend Doçi shpall
Kandidati për kreun e FRPD-së, Mariglend Doçi

Forumi Rinor i Partisë Demokratike ka hapur garën për kryetarin e ri. Pas publikimit të lajmit një ditë më parë nga Sekretari i Përgjithshëm i FRPD, Grigels Muçollari, të rinjtë e ketij forumi kanë nisur të deklarojnë kandidaturat e tyre duke u bërë pjesë e garës.

Anëtari i FRPD, Mariglend Doçi, ka shpallur kandidaturën e tij për postin e kryetarit të këtij forumi.

“Me besimin tek mbështetja juaj, me dëshirën e madhe për t'i dhënë një frymë ndryshe drejtimit të FRPD, unë shpall sot kandidaturën time për kryetar të FRPD-së!

Shpresoj shumë që do kem mbështetjen tuaj, besimin tuaj të palëkundur, dhe ju ftoj t'i bashkoheni stafit tim të fushatës.

Asnjëherë nuk kam menduar se një njeri i vetëm mund të sjellë ndryshim. Gjithmonë kam pasur bindjen se kur njerëzit bëhen bashkë, gjithçka arrihet!

E për këtë arsye, ftoj secilin prej jush ti bashkohet stafit tim të fushatës. Mezi pres të dëgjoj idetë dhe mendimet tuaja. Gjithashtu, zotohem se do jem Kryetari i Forumit, që dëgjon të rinjtë, që nuk i braktis ata, dhe që bashkë me të gjithë ju, do jem në krye të betejave opozitare, pa bërë asnjë hap mbrapa.

Zoti i bekoftë demokratët!”, shkruan Doçi në njoftimin e tij./CNA.al

Gara për kreun e FRPD-së/ Mariglend Doçi shpall

 

 





Lajmet e fundit nga