web counter
LEXO PA REKLAMA!

SHKARKO APP

App Store
Google Play

E fundit!

x

Rama, lëvizje në Qeveri/ Emrat në Presidencë

25 Korrik 2022, 08:30, Politikë CNA

Rama, lëvizje në Qeveri/ Emrat në Presidencë

Kryeministri Edi Rama ka njoftuar se ka firmosur lëvizje të reja në Qeveri.

Është shkarkuar zëvendëskryeministri Arben Ahmetaj dhe në vend të tij është emëruar Ministrja për Energjinë dhe Infrastrukturën Belinda Balluku.

Gjithashtu është larguar Zef Mazi si kryenegociator për t'u zëvendësuar me Majlinda Dhukën, e cila është emëruar edhe Ministre Shteti pranë kryeministrit.

“Tani që prioriteti i Rindërtimit ia le vendin prioritetit të Negociatave me BE,ndërron profili i ministrit të Shtetit.

Majlinda Dhuka,një profil i lartë teknik në vend të profilit të lartë diplomatik të ambasadorit Mazi, bëhet Kryenegociatore& Ministre Shteti pranë kryeministrit.

Energjia si sfida më kolosale e kësaj periudhe dhe infrastruktura si sfidë e pandërprerë kombëtare, janë bërë sot edhe marrëdhënie intensive me qeveri e institucione ndërkombëtare. Koha që roli i zv/kryeministrit të fokusohet në këto fusha.

Belinda Balluku bëhet zv/kryeministre.

Falenderoj Arben Ahmetajn për kontributin në misionin tonë të përmbushur me një sukses spektakolar për Rindërtimin.

Falenderoj Zef Mazin për kontributin në arritjen e madhe historike të çeljes së negociatave; dy bashkëpunëtorë të vlefshëm në një rrugë sfidash që vazhdon.'- njofton Rama./CNA.al





Lajmet e fundit nga