web counter
LEXO PA REKLAMA!

SHKARKO APP

App Store
Google Play

E fundit!

x

Nuk ndalet Meta/ Përsërit mesazhet e njëpasnjëshme

25 Korrik 2022, 12:31, Politikë CNA
Nuk ndalet Meta/ Përsërit mesazhet e njëpasnjëshme
Ish-Presidenti, Ilir Meta

Ish-Presidenti Ilir Meta, një ditë pas lënies së Presidencës, nuk ndalet me deklaratat e tij si në media ashtu edhe në rrjetet sociale.

Meta e ka nisur ditën duke postuar foto dhe duke paralajmëruar se do të rikthejë 2 marsin dhe se është koha për veprim.

Menjëherë pas këtij postimi doli në një komunikatë për mediat, ku u shpreh se është koha për Referendum, ku nuk la pa thumbuar kryetaren e LSI-së, Monika Kryemadhin, po ashtu edhe akuzat ndaj Lulzim Bashës dhe Edi Ramës.

Ish-Presidenti nuk ka ndalur dhe sërish para pak minutash ka postuar në rrjetet sociale, një fragment të cilin e tha edhe në deklaratën e tij për mediat.

"SOVRANITETI NË SHQIPËRI I PËRKET POPULLIT. PARTIA E REFERENDUMIT NA PRET! Drejtimin e LSI e lashë me vullnet të lirë para 5 viteve për arsye të rrethanave, që u krijuan në vend. Nuk u riktheva sot për të rimarrë drejtimin e kësaj partie, por për të sjellë mesazhin e popullit të 2 marsit, pjesë e të cilit ka qenë edhe LSI në ato momenten, si dhe për t'u bashkuar të gjithë së bashku në triumfin e mesazhit të 2 marsit: Sovraniteti në Shqipëri i përket popullit. Kjo do bëhet e mundur në mënyrë të padiskutueshme. Partia e referendumit na pret! Kjo zgjidh çdo problem, nga oligarkët te kapja e shtetit. Referendumi do të jetë 'Shpata e Demokleut' mbi të gjithë ata që abuzojnë me besimin e popullit të Shqipërisë dhe mbi Esad Pashët e rinj, që kanë tradhëtuar interesin kombëtar dhe i kanë ngulur thika pas shpine Kosovës", shkruan Meta në postimin e tij të fundit./ A.E-CNA.al





Lajmet e fundit nga