web counter
LEXO PA REKLAMA!

SHKARKO APP

App Store
Google Play

E fundit!

x

Meta flet në emër të “popullit”, të Lulzimsave?

25 Korrik 2022, 13:28, Politikë CNA

Meta flet në emër të “popullit”, të Lulzimsave?

Vetëm një ditë pasi la Presidencën, Ilir Meta po tenton të japë mesazhe se është ende faktor politik në Shqipëri, se qytetarët e mbështesin e të tjera si këto.

Mëngjesin e sotëm, Meta publikoi një foto me ish-ambasadorin Agim Nesho dhe Tedi Blushin, ndërsa bashkëngjitur shkruan “ka ardhur koha për veprim”.

Por, pas këtij postimi Meta doli në një deklaratë për mediat, ku risolli në vëmendje “2 marsin”.

Dhe pas konferencës, Meta ka reaguar sërish në rrjetet sociale, duke ripërsëritur të njëjtën deklaratë.

“Drejtimin e LSI-së e lashë me vullnet të lirë para 5 viteve për arsye të rrethanave, që u krijuan në vend. Nuk u riktheva sot për të rimarrë drejtimin e kësaj partie, por për të sjellë mesazhin e popullit të 2 marsit, pjesë e të cilit ka qenë edhe LSI në ato momenten, si dhe për t'u bashkuar të gjithë së bashku në triumfin e mesazhit të 2 marsit: Sovraniteti në Shqipëri i përket popullit.”-shkruan Meta.

Meta flet në emër të “popullit”, të Lulzimsave?

Në fakt se çfarë mesazhi dha 2 marsi, këtë mund ta dijë vetëm Ilir Meta. Në atë kohë, ishte koha e “dashurisë” së tij me “Lulushin”, sikurse iu drejtua sot Meta ish-kreut të PD-së.

Dhe në të ashtuquajturën protestë të 2 marsit, kishte veç Lulzimsat.

Por, kjo të kujton një fjali te një film shqiptar “sa gjëra bëhen në emrin tënd o popull”.

Fiks këtë po tenton edhe Ilir Meta. Pas 30 vitesh në politikë, ku është paguar me taksat e shqiptarëve si deputet, ministër, zv.kryeministër, kryeministër, kryetar Kuvendi e deri dhe President, sërish flet “në emër të popullit”.

Por, në emër të popullit të “2 marsit”, pra të Lulzimsave që mblodhi në protestën e 2 marsit 2020./CNA.al





Lajmet e fundit nga