web counter
LEXO PA REKLAMA!

SHKARKO APP

App Store
Google Play

E fundit!

x

“I papërmbajtshëm në vjedhje”/ Berisha, akuza Veliajt: Nuk ka lënë ligj pa shkelur

25 Korrik 2022, 13:13, Politikë CNA
“I papërmbajtshëm në vjedhje”/ Berisha, akuza
Kryebashkiaku, Erion Veliaj

Kreu i PD-së, Sali Berisha, ka vijuar me akuzat ndaj kryebashkiakut Erion Veliaj, për sa i përket aferës së inceneratorëve.

Sipas Berishës, Veliaj nuk ka lënë ligj pa shkelur për të bërë realitet vjedhjen monstruoze me Edi Ramën.

“Madhor në këtë aferë është kreu i Bashkisë së Tiranës është Erion Veliaj. Thashë edhe njëherë, djegësi i Tiranës shkon në 283 milionë euro.

Erion Veliaj nuk ka lënë ligj pa shkelur për të bërë realitet vjedhjen monstruoze me Edi Ramën.

Ndaj gazetarë, ju bëj thirrje, harrojeni fjalën korrupsion, por të përdorim fjalën vjedhje, se ky është përkthimi i saktë i kësaj fjale në gjuhën shqipe.

Për të vjedhur Erion Veliaj, një vepër për të cilën duheshin firmat e të gjitha bashkive të qarkut të Tiranës, e ka firmosur vetëm ai, në kundërshtim me çdo ligj. I papërmbajtur në vjedhje.

Pa pyetur Këshillin Bashkiak, ai firmos për financimin prej 90 milionë eurosh të djegësit të Tiranës. Ai firmos edhe penalitete për bashkitë e tjera, nëse nuk u përgjigjen me ngarkesat e plehrave kompanisë së tij dhe Edi Ramës.

Erion Veliaj, prej pesë vitesh, u merr qytetarëve të Tiranës, pa TVSH, 28 euro për ton mbetjesh. Në një kohë kur kontrata e firmosur me kompaninë Gugallja-Rama-Veliaj, thotë se plehrat për depozitim do paguhen me 12 euro toni.

Gjer sot, as edhe një ton nuk është djegur, pasi djegësi nuk ekziston. Por në këto 5 vite, Erion Veliaj dhe Edi Rama kanë plaçkitur shqiptarët e kësaj zone, duke i detyruar të paguajnë për çdo ton të depozituar në fushën e Sharrës, minierën e tyre të floririt, 28 euro pa TVSH”, ka deklaruar Berisha./A.E-CNA.al





Lajmet e fundit nga