LEXO PA REKLAMA!

SHKARKO APP

E fundit!

x

Reforma territoriale/ Berisha: Rama shkatërroi përfaqësimin e qytetarëve

25 Korrik 2022, 19:26, Politikë CNA
Reforma territoriale/ Berisha: Rama shkatërroi përfaqësimin e
Kryetari i Partisë Demokratike, Sali Berisha

Kryetari i Partisë Demokratike, Sali Berisha, deklaroi në një takim me qytetarët në Fier se Edi Rama me reformën territoriale shkatërroi rëndë përfaqësimin e qytetarëve.

Kreu i PD-së tha se Edi Rama zëvëndësoi të zgjedhurit në njësitë administrative të emëruarit e partisë.

Ndër të tjera kreu i selisë blu tha se më pas Rama vazhdoi me dhunimin e votës, patronazhistët dhe përdorimin e të gjithë shtetit dhe bandat për të vjedhur vullnetin e lirë të qytetarëve.

"Qytetarët zgjidhnin me votën e tyre 420 kryetarë komunash e bashkish. Zgjidhnin mijëra përfaqësues, këshilltarë dhe kishin një shpërqendrim të shërbimeve ndaj tyre. Ai përdori reformën absolutisht për parimet e kundërta që duhej përdorur.

Nëse pushteti vendor ka parim themelor decentralizimin dhe autonominë, ai përdori centralizimin e këtij pushteti. Sot në Fier, në çdo qark, ke me qindra zona, fshatra që nuk përfaqësohen nga asnjë këshilltar.

Nuk ju japin ju asnjë llogari. I japin vetëm atij që i emëron. Alfa e demokracisë, fillon me votën dhe përfaqësimin. Ky këto i shkatërroi nëpërmjet reformës në qeverisjen vendore.

Përveç kësaj, në mënyrën më jo demokratike, i la bashki të gjitha ato që donte, dhe sot Gjirokastra me 120 mijë banorë ka 7 bashki, kurse Tirana me mbi 1 mln banorë ka gjithsej 4 bashki. Ky është koncepti i Edi Ramës. Ai përbën një rrezik të madh kombëtar.

Pas kësaj vazhdoi me dhunimin e votës, patronazhistët dhe përdorimin e të gjithë shtetit për të vjedhur votën, me banda dhe terror e sot qëndron në pushtet në mënyrën më të paligjshme që mund të qëndrojë njeri. Jemi në betejë shumëplanëshe, përpunojmë alternativat për qytetarët."-tha Berisha./CNA.al

 

Lajmet e fundit nga