web counter
LEXO PA REKLAMA!

SHKARKO APP

App Store
Google Play

E fundit!

x

Kongresmeni amerikan: Armët me rreze të gjatë janë çelësi i fitores së Ukrainës

25 Korrik 2022, 21:22, Politikë CNA
Kongresmeni amerikan: Armët me rreze të gjatë janë
Përfaqësuesi amerikan, Adam Smith

Përfaqësuesi amerikan, Adam Smith, kryetar i Komitetit të Shërbimeve të Armatosura të Dhomës së Përfaqësuesve, tha se Uashingtoni shpreson të rrisë ndjeshëm sasinë e armëve me rreze të gjatë që Ukraina ka për të mposhtur Rusinë dhe për të penguar sulmin brutal dhe të paprovokuar të presidentit Vladimir Putin ndaj vendit.

Duke folur për shërbimin ukrainas të Radios "Evropa e Lirë", Smith tha se ai synon që Ukraina të marrë deri në 30 sisteme raketash me shumë lëshime - Kievi ka kërkuar të paktën 50 - sa më shpejt që të jetë e mundur "sepse në këtë luftë, kushdo që mund të shohë larg dhe gjuajë larg do të jetë në formë më të mirë".

Smith tha se Putini po përpiqet ta zgjerojë territorin rus jo sepse ndihej i kërcënuar, por sepse "dëshironte të zgjeronte territorin e Rusisë përmes forcës brutale".

Smith u takua me presidentin ukrainas Volodimir Zelenski, derisa ishte në një udhëtim në fundjavë në Kiev me një grup ligjvënësish dypartiakë.

Shtetet e Bashkuara kanë dorëzuar tashmë një duzinë sisteme të tjera raketash Artilerie me Lëvizshmëri të Lartë (HIMARS).

Ndërkohë, aleatët perëndimorë kanë dorëzuar në Ukrainë disa sisteme raketore M270, sistemin e shumëfishtë të raketahedhësve (MLRS).

Sistemet mund të lëshojnë raketa shumë prapa linjave të armikut me një saktësi prej disa metrash, duke i bërë ato shumë efektive.REL





Lajmet e fundit nga