web counter
LEXO PA REKLAMA!

SHKARKO APP

App Store
Google Play

Gara për kreun e FRPD/ Një tjetër kandidat shpreh interes

25 Korrik 2022, 22:51, Politikë CNA
Gara për kreun e FRPD/ Një tjetër kandidat shpreh interes
Besart Xhaferri

Besart Xhaferri është kandidati i radhës që ka shprehur interes për të kandiduar për kryetar të FRPD-së.

Lajmin e ka dhënë vetë Xhaferri, i cili në një postim në "Facebook" shkruan se është bërë pjesë e kësaj strukture që në vitin 2016, kur u kthye në Shqipëri.

Ai thekson se ka arritur të akumulojë eksperiencën e duhur nga partnerët ndërkombëtarë, për t’i aplikuar më pas ato në FRPD.

Postimi i plotë:

Të nderuar miq, 

Sot kam kënaqësinë të ndaj me ju vendosmërinë time për të kandiduar për Kryetar të Forumit Rinor të Partisë Demokratike të Shqipërisë! 

Këtë organizatë e kam njohur në vitin 2016, pas rikthimit tim në Shqipëri. Është një organizatë që i kam dedikuar kohën time më të madhe dhe kam pasur nderin ta përfaqësoj në të gjitha arenat ndërkombëtare deri më sot! 

I bindur se kam akumuluar eksperiencën e duhur nga partnerët tanë ndërkombëtarë si forumet më të mëdha Europiane, mendoj se ka ardhur koha që t’a aplikoj në forumin tonë. Gjithashtu, falë eksperiencës 14 vjeçare në fushën e sipërmarrjes ku nuk i jam shmangur asnjë sfide dhe beteje për të patur sukses, jam besimplotë se do ia dal të frymëzoj lidership dhe shpirtin e punës në ekip. 

Këto zgjedhje janë shumë të rëndësishme dhe në mos historike, sepse barra kryesore e ribrendimit të PD do i bjerë pikërisht forumit tonë. Është jetike për Shqipërinë që shërbyes të rinj publik dhe jo vetëm politikanë të rinj karriere, të trajnohen dhe të promovohen. 

Dhe ky është premtimi im i vetëm! Nëse fitoj, do të jem shërbyesi i rinisë Shqiptare, për ta mbështetur atë që të gjej platformën e duhur ku mund të kontribuojë sipas dëshirës dhe kapacitetit të gjithësecilit! 

Do jem i nderuar nëse më bashkoheni në këtë rrugëtim! Kushdo që do të jetë në ekipin tim gjatë kësaj fushate, mos ngurroni të më kontaktoni! 

Me respekt, 

Besarti

#sëbashku/CNA.al





Lajmet e fundit nga