LEXO PA REKLAMA!

SHKARKO APP

Seanca e fundit në Parlament/ Alibeaj kërkesë Nikollës

26 Korrik 2022, 17:12, Politikë CNA
Seanca e fundit në Parlament/ Alibeaj kërkesë Nikollës
Deputeti Enkelejd Alibeaj

Ditën e enjte, Kuvendi do të mbajë sesionin e jashtëzakonshëm, ku do të votohen ndryshimet e fundit në qeveri.

Mazhoranca ka kërkuar që ky votim të mbahet pa debat në seancën plenare, por deputeti Enkelejd Alibeaj ka bërë një kërkesë në Kuvend.

Alibeaj ka kërkuar që në seancën e fundit plenare të këtij sezoni, të lejohet debati, pasi pretendon se askush nuk mund t’i heqë të drejtën e fjalës.

“Në emër të Grupit Parlamentar të PD-së kam paraqitur pranë Kuvendit kërkesën për debat në seancën plenare të së enjtes, ku do të votohet për ndryshimet e fundit në qeveri.

Siç ndodh rëndom në të gjjtha rastet kur i duhet të përballet me faktet, Edi Rama udhëron votimin pa debat. Edhe pse është e shkruar qartë në nenin 110 të Rregullores që sanksionon se Kuvendi ia nënshtron debatit parlamentar përbërjen e qeverisë. "Asnjë deputeti, – thotë neni 46 i Rregullores, "që dëshiron të diskutojë për një çështje të rendit të ditës, nuk mund t’i hiqet e drejta e fjalës. "

Është e qartë se kreu i qeverisë dhe marionetat me të cilat ai lëviz fijet e pushtetit i tremben debatit, përballjes me faktet dhe të vërtetën.

Është po kaq e qartë se Edi Rama dhe makiazhi i qeverisë së tij nuk bindin më askënd në Shqipëri. Madje as me besnikët e tij. Ndryshe nuk ka si shpjegohet që në këtë krizë të thellë që ka përfshirë Shqipërinë në vend të përballjes me faktet, me problemet dhe hallet e përditshme, shqiptarëve u ofrohen debate shterpë që i interesojnë vetëm klaneve të etura për pushtet brenda PS-së.

Ndryshimet e qeverisë të shpallura në tëitter, betejat e brendshme në kupolën drejtuese të PS-së për të përfituar dhe abuzuar në kurriz të shqiptarëve janë dhe mbeten mënyra që Edi Rama ka zgjedhur për të larguar vëmendjen nga vetja.

Ai është përgjegjës kryesor i varfërisë së shkaktuar nga korrupsioni, i vjedhjes galopante që ka zbrazur xhepat e qytetarëve. Për këtë ai përdor çdo mënyrë për të shmangur debatin publik, përballjen me faktet dhe të vërtetën që shqiptarët e kuptojnë çdo ditë e më shumë”, shkruan deputeti në rrjetet sociale./ B.A. – CNA.al

Seanca e fundit në Parlament/ Alibeaj kërkesë Nikollës

Seanca e fundit në Parlament/ Alibeaj kërkesë Nikollës

Lajmet e fundit nga