web counter
LEXO PA REKLAMA!

SHKARKO APP

App Store
Google Play

E fundit!

x

Statuti i PD-së/ Manjani, thirrje Gjykatës së Apelit: Mbani premtimin, mbylleni këtë histori

26 Korrik 2022, 20:16, Politikë CNA
Statuti i PD-së/ Manjani, thirrje Gjykatës së Apelit: Mbani
Ish-ministri i Drejtësisë, Ylli Manjani

Ish-ministri i Drejtësisë, Ylli Manjani, i bëri sot një thirrje Gjykatës së Apelit nga takimi i kryetarit të PD-së, Sali Berisha me intelektualë.

Manjani kërkoi që Gjykata e Apelit të japë sa më shpejt vendimin për fatin e Partisë Demokratike.

Ai theksoi se PD duhet të formalizohet një orë e më parë, dhe gjykata duhet ketë kurajon e nevojshme për të gjykuar sa më shpejt historinë.

"Kam dëshirë t’i bëj thirrje Gjykatës së Apelit Tiranë të mbajë vetëm një premtim që e ka bërë vetë në një deklaratë publike ku kërkonte që mos të kishte presion për të gjykuar. PD duhet të formalizohet një orë e më parë, është shumë vonë, nuk ka kuptim kjo histori. Merreni atë vendim dreqi e mori, mbylleni këtë histori.

Nuk e di çfarë duhet bërë më shumë se sa kaq. Edhe Alibej-Basha ka kërkuar të gjykohet shpejt kjo çështje. Kjo është çështje e interesit publik. Të sqarohet një orë e më parë, jo se ka problem përfaqësimi se e ka treguar populli. Gjykata e Apelit Tiranë, të ketë kurajon e nevojshme për të gjykuar sa më parë historinë, që s’besoj se meriton as gjykim, deklaroi ish-ministri.

Kujtojmë se beteja për statutin e PD-së është duke u zhvilluar në Gjykatën e Apelit të Tiranës. Kjo gjykatë kërkoi nga palët politike që të mos ndërhyjnë në institucionet e drejtësisë./ B.A. – CNA.al





Lajmet e fundit nga