web counter
LEXO PA REKLAMA!

SHKARKO APP

App Store
Google Play

E fundit!

x

Meta merr në mbrojtje Irfan Hysenbelliun/ Sulmon Gent Gazhelin

26 Korrik 2022, 13:37, Aktualitet CNA

Meta merr në mbrojtje Irfan Hysenbelliun/ Sulmon Gent Gazhelin

Ilir Meta, nën siglën e Partisë së Lirisë, që e prezantoi një ditë më parë, ka dalë në mbrojtje të Irfan Hysenbelliut dhe ka sulmuar ashpër Drejtorin e Përgjithshëm të Doganave, Gent Gazheli.

Në një konferencë për shtyp, Meta ka thënë se situata është alarmante pasi doganat drejtohen nga kontrabandistë.

“Situata tepër e rëndë që ka kapluar shtetin dhe në mënyrë të veçantë sektorët që lidhen me krijimin e të ardhurave, provohet edhe nga skandalet më të fundit në një sektor shumë delikat, siç janë doganat shqiptare ku situata paraqitet realisht skandaloze.

Drejtimi i Doganave me kontrabandistë që do të luftojnë gjoja kontrabandën, nepotizimi flagrant në administratën e këtij sektori, me familjarë nga më të afërt, me fëmijë, burra, dhëndurë, në konflikt të hapur interesi, si dhe abuzimi me të ardhurat shtetërore ku sipas raportimeve në media, në çdoganime të caktuara, shtetit i humbasin deri në 80% të të ardhurave, tregon qartë që çdo sektor i qeverisjes është kthyer në një burim abuzimi, përfitimesh private dhe të paligjshme”, është shprehur Meta, duke cituar Hysenbelliun, i cili çdo ditë në mediat e tij sulmon në mënyrë të paprecedentë Doganat.

Hysenbelliu, i cili ka miliarda lekë borxhe në tatime dhe që është kapur nga doganat me qindra mijëra euro evazion fiskal, sot është marrë në mbrojtje nga Meta, i cili me këtë veprim, tregoi se është kundër pagesave të detyrimeve shtetërore dhe pro rrjepjes së shtetit./CNA.al

 

 





Lajmet e fundit nga