web counter
LEXO PA REKLAMA!

SHKARKO APP

App Store
Google Play

E fundit!

x

Përfundojnë hetimet për vrasjen e Pjerin Xhuvanit/ Dërgohen emrat në gjykatë

25 Korrik 2022, 18:27, Aktualitet CNA
Përfundojnë hetimet për vrasjen e Pjerin Xhuvanit/ Dërgohen
Foto nga ngjarja

Prokuroria e Elbasanit ka përfunduar hetimet për ngjarjen e 21 prillit 2021 ku mbeti i vrarë Pjerin Xhuvani.

Arber Papleka u dërgua për gjykim. Mbi të rëndon akuza e vrasjes, ndërsa Niko Palla, Albert Nushi dhe policët e repartit “Shqiponja” akuzohen për shpërdorim detyre, informon "Euronews".

Prokurorët e çështjes, Ritvan Suka dhe Platin Alicka, pushuan akuzat për armëmbajtje pa leje, tentativë vrasje të punonjësve të policisë, vjedhje me dhunë dhe heqje e paligjshme e lirisë për Arbër Paplekajn.

Për gjithë anëtarët e strukturës për mbrojtjen e votës, Arjan Hoxha, Erjon Demushi etj, është pushuar akuza e heqjes së paligjshme të lirisë.

Pjerin Xhuvani, 56 vjeç, mbeti i vrarë pas një përplasjeje me armë ku u përfshinë disa persona. Në ngjarje mbetën të plagosur katër të tjerë, Eltjon Bodinaku 32 vjeç; Emiljan Prenga, 39 vjeç; Pavlo Vuksani 50 vjeç, dhe punonjësja e policisë Xhensila Sota 27 vjeçe.

Rreth një orë pas përplasjes me armë në polici u dorëzua Arbër Paplekaj, ish-oficer i Repartit të Neutralizimit të Elementëve të Armatosur (RENEA)./CNA.al





Lajmet e fundit nga