web counter
LEXO PA REKLAMA!

SHKARKO APP

App Store
Google Play

E fundit!

x

Mungojnë 170 gjyqtarë/ As emërimet e reja nuk ndihmojnë situatën në drejtësi

25 Korrik 2022, 18:21, Aktualitet CNA
Mungojnë 170 gjyqtarë/ As emërimet e reja nuk ndihmojnë
Foto ilustruese

Këshilli i Lartë Gjyqësor emëroi 23 gjyqtarë të rinj në sistem.

Vendimi erdhi në të njëjtën kohë kur u miratua harta e re gjyqësore. Naureda Llagami tha se emërimet e reja do t'i sjellin frymëmarrje gjykatave.

Efekti i këtyre emërimeve do ndihet pak në përmirësimin e situatës së dosjeve stok që kanë gjykatat në vende, informon "Euronews".

Vetëm për 6 muajt e parë të këtij janë larguar nga sistemi 15 gjyqtarë, ndërsa vazhdon procesi për disa prej tyre.

Por në të gjithë sistemin sipas llogaritjeve të këshillit të lartë gjyqësor të bërë në fillim të këtij viti sistemit të drejtësisë në të gjitha shkallët e tij i mungonin 177 gjyqtarë.

Situata është më serioze në dy gjykata ato të shkallëve të para dhe apeleve me juridiksion të përgjithshëm.

Gjykata e shkallëve të para nga 235 gjyqtarë që duhet të kenë në organikë kanë 139.

Situata është më e vështirë në apele ku nga 78 gjyqtarë që duhet të këtë në total gjykatat kanë mbetur vetëm 29.

Pak më mirë se gjykatat e mësipërme janë ato të Posaçme ku fillimi i këtij viti sipas KLGJ-së i gjeti me 14 gjyqtarë mangët.

Por për shkak se aty kompetenca është e kufizuar numri i dosjeve stok është i vogël.

Ndërsa drejt plotësimit po shkon gjykata e lartë e cila aktualisht e cila është e plotësuar me 16 gjyqtarë nga 19 që duhet të ketë.

Mungesa e gjyqtarëve ka sjellë si rezultat rreth 120 mijë dosje stok në gjykata të cilat do të duhen vite për tu shqyrtuar./CNA.al

 





Lajmet e fundit nga