web counter
LEXO PA REKLAMA!

SHKARKO APP

App Store
Google Play

E fundit!

x

“Hëngshin kokat e njëri-tjetrit”/ Deputeti i PD-së: Bandat i mbron pushteti

24 Korrik 2022, 13:14, Aktualitet CNA

“Hëngshin kokat e njëri-tjetrit”/ Deputeti i PD-së:

Deputeti demokrat, Dashnor Sula, ka reaguar për ngjarjet e fundit kriminale që kanë tronditur vendin.

Duke iu referuar një deklarate të mëhershme të kryeministrit Edi Rama, i cili thoshte “hëngshin kokat e njëri-tjetrit”, Sula shprehet se të fortët, bandat, gëzojnë mbrojtje të pushtetit lokal e qendror.

“'Hëngshin kokat e njëri-tjetrit' thot kryeministri madje edhe ben një shprehje ne forme lutje. Domethene të bëjnë ç’të duan se nga ne nuk kanë pikën e shqetësimit. Mjafton që vetëm në kohë fushate të jenë në gatishmërinë tonë.
Prandaj në reagimet e mia të fundit kam kërkuar nga kreu i qeverisë të marrë masa për të normalizuar rendin publik në Shqipëri.
Të fortët, bandat gëzojnë mbrojte të pushtetit lokal e qendror. Pikerisht prej komoditetit qe politika i ka krijuar bandave, mediat italiane shkruajn se ne shqiperi pastrohen parate e Ndragheta-s”, ka shkruar Sula në rrjete sociale.

Sipas tij, vullneti i Drejtorit të Përgjithshëm të Policisë dhe vetëm i SPAK nuk mjafton për të luftuar me krimin.

“Këto struktura meritojnë mbështetje dhe duhen inkurajuar për rezultate bindëse kundër krimit të organizuar. Por sigurisht duhet patjetër që më parë të hiqet imuniteti politik që u ofrohet atyre.
Jemi në mes të sezonit turistik, po i trembim pushuesit të vijnë në Shqipëri. Veprimi duhet të jetë i menjëhershëm dhe të mos bëhemi dëshmitar i dështimit të turizmit në një kohë që ekonomia ka më shumë se kurrë nevojë për këto para”, përfundon Sula reagimin./CNA.al





Lajmet e fundit nga