web counter
LEXO PA REKLAMA!

SHKARKO APP

App Store
Google Play

E fundit!

x

Policët me biçikleta në plazhe, mes tyre italianë, problem humbja e fëmijëve

23 Korrik 2022, 14:00, Aktualitet CNA
Policët me biçikleta në plazhe, mes tyre italianë, problem
Foto ilustruese

Rreth 1 mijë policë janë angazhuar prej fillimit të korrikut për sigurinë në zonat bregdetare. Në Durrës kanë mbërritur edhe efektivë të policisë italiane.

Elena dhe Anastasi patrullojnë çdo ditë në bregdetin e Durrësit. Bashkë me kolegët e tyre të stacionit policor, ata mbulojnë një zonë  nga Ura e Dajlanit deri në Golem.

Në temperaturat përvëluese të korrikut dhe gushtit, biçikleta është mjeti i tyre operacional, për të mbërritur deri tek çadrat e pushuesve.

Por, policët shqiptarë nuk janë të vetmit në zonën e plazhit. 2 efektivë kanë mbërritur nga Italia për t’i ardhur në ndihmë bashkë-kombasve të tyre, numri i të cilëve që mbërrijnë në Shqipëri për pushime, është rritur vit pas viti.

“Bëjmë patrullime sipas planizimit në zonën e Plazhit. Së fundmi na kanë ardhur në ndihmë edhe kolegët Italian me të cilët marim kontakt të vazhdueshëm dhe bëjmë edhe patrullime të përbashkëta. I vijmë në ndihmë turistëve për gjetjen e destinacioneve të ndryshme. Problem është humbja e fëmijëve ku në të gjitha rastet i kemi gjetur dhe ja kemi dorëzuar familjarëve. Por i vijmë në ndihmë turistëve edhe për problematika të tjera”, u shpreh Elena Lica, efektive në stacionin policor Plazh.

Në zonat turistike të vendit janë transferuar me shërbim përkohësisht edhe agjentë krimesh.

Në fundjavë dislokohen edhe forca të ndërhyrjes së shpejtë për mbarëvajtjen e organizimeve të ndryshme me fluks turistësh. Efektivë të policisë italiane janë dislokuar edhe në bregdetin e Vlorës por edhe Sarandës./euronews





Lajmet e fundit nga