web counter
LEXO PA REKLAMA!

SHKARKO APP

App Store
Google Play

Ceremonia për Bajram Begajn/ Luca: Asnjë prodhues nuk u ftua, jemi lokomotiva e ekonomisë

25 Korrik 2022, 21:48, Aktualitet CNA

Ceremonia për Bajram Begajn/ Luca: Asnjë prodhues nuk u ftua, jemi

Biznesmeni Gjergj Luca, së bashku me stafin e tij, ka uruar presidentin Bajram Begaj për marrjen e detyrës.

Teksa ka komentuar edhe fjalimet e para të presidentit, Luca tha se nuk u tha asnjë fjalë dhe nuk u ftua në ceremoni asnjë prodhues, që janë lokomotiva kryesore për ekonominë e vendit.

Luca, në fund, i kërkoi Begajt që të kalojë sa më shumë ligje për prodhuesit e vendit.

“Urime zoti President. Ne duam të të urojmë me gjith shpirt nga ky vend i punës dhe i të vërtetës. Por me thënë të drejtën ne nuk rrimë dot edhe pa i thënë dy fjalë. Dy fjalimet tuaja të para, ne nuk pamë që të flitej një fjalë për prodhuesit, një fjalë për lokomotivën, që jemi ne lokomotiva më e mirë e këtij vendi që tërheqim ekonominë përpara për të shkuar në Europë. Ne pamë me dhjetëra njerëz atje tek ai organizim aq i bukur dhe dinjitoz që ishte bërë. Shumica e tyre ishin protokollar, por pamë shumë edhe nga ata analistët e famshëm, që nuk pritën të mbaronte ajo gjë e bukur dhe madhështore dhe filluan të shkruajnë. Nuk e kuptoj, si ka mundësi që të jenë ata llakapere, të rreshtuar te VIP-at e kombit dhe mos shohim asnjë lloj prodhuesi. Kemi dëshirë të të themi zoti President, sa më shumë ligje për prodhuesit, sa më shumë ligje për këta njerëz, sepse këta janë ritmi, zemra, shpirti i Shqipërisë. Ta gëzosh vendin, zoti President”, tha Gjergj Luca./CNA.al





Lajmet e fundit nga