LEXO PA REKLAMA!

SHKARKO APP

U vodh në 2015 në Itali dhe u soll në Shqipëri/ Pianoja u dorëzohet autoriteteve italiane

26 Korrik 2022, 12:10, Aktualitet CNA

U vodh në 2015 në Itali dhe u soll në Shqipëri/ Pianoja u

E vjedhur në vitin 2015 në Konservatorin e Parmës në Itali, një piano antike, e cila solli në Shqipëri me shpresën për t'u shitur, u është dorëzuar sot autoriteteve italiane.

‘Clavikorda’ e shekullit të XVIII, pjesë e trashëgimisë italiane, u gjet në një dyqan instrumentesh muzikore në Shqipëri.

Dorëzimi i saj është bërë sot në Ministrinë e Drejtësisë, nga ministria e Kulturës për komandatin e Karabinierëve për trashëgiminë kulturore.

Ministri i Drejtësisë Ulsi Manja gjatë një deklarate për mediat tha se dorëzimi i pianos është një shenjë e bashkëpunimit serioz me një vend mik që është Italia.

‘Është një shenjë e bashkëpunimit serioz me një vend mik që është Italia. Ne duam ta shtrijmë këtë bashkëpunim në të ardhmen pse jo për të bërë të mundur riatdhesimin reciprok të të gjitha veprave të trashëgimisë kulturore. Këto vepra të shkojnë aty ku ishin sepse janë pronë e popullit italian. Janë tregues i qartë i identitetit tonë kombëtar.’- tha Manja.

Ndërsa Ministrja e Kulturës, Elva Margariti, tha se lufta kundër trafikimit të objekteve të kulturës është prioritet.

"Një ceremoni shumë simbolike. Jo se është akt i vogël, por ka simbolikën e një bashkëpunimi në shekuj. Jemi këtu sot të lidhur përmes trashëgimisë kulturore, e cila nuk i përket vetëm Italisë, por gjithë botës. Është e rëndësishme që të vlerësojmë këtu sot të gjithë punën që është bërë. Ne kemi një prioritet në ministri që është lufta kundër trafikut të objekteve kulturore. Italia është partner strategjik për ne", tha ajo.

Lajmet e fundit nga