web counter
LEXO PA REKLAMA!

SHKARKO APP

App Store
Google Play

E fundit!

x

Autoriteti i Dosjeve kërkon të kalojë në “sitë” politikanët/ Nikolla vihet në lëvizje

27 Korrik 2022, 11:11, Politikë CNA

Autoriteti i Dosjeve kërkon të kalojë në

Autoriteti i Dosjeve kërkon ndryshimin e ligjit për të verifikuar edhe politikanët e lartë që dolën të pastër nga dy Komisionet në vitet '90.

Ndërkohë, pas kësaj kërkese duket se është vënë në lëvizje edhe kryeparlamentarja, Lindita Nikolla, e cila ka thirrur në takim krerët e grupeve parlamentare, për t’i vënë në dispozicion dosjen e Autoritetit për Informim mbi Dosjet e Sigurimit te Shtetit.

Kujtojmë këtu se një ditë më parë, në media u publikua një lajm, ku Autoritetit i Dosjeve pretendon se një personazh me profil të lartë politik i identifikuar me inicialet I.M., rezulton të ketë qenë bashkëpunëtor i ish-Sigurimit të Shtetit.

Ndërkohë, Nikolla është takuar me kreun e grupit parlamentar të PS-së, Taulant Balla, ndërsa në vijim pritet të takohet edhe me Fatmir Mediun dhe Enkelejd Alibeajn.

Dje, Bordi i Autoritetit për Informim mbi Dosjet e Sigurimit te Shtetit, i kërkoi Kuvendit të Shqipërisë të ndryshojë ligjin mbi dosjet në vend, për shkak se favorizon politikanët e lartë dhe deputetët e Kuvendit të Shqipërisë, të cilët nuk ndëshkohen nga të qenit bashkëpunëtorë të Sigurimit të Shtetit dhe akoma më keq mbrohen me një klauzolë të veçantë, nëse kanë kaluar “filtrin” e atij që quhej Komisioni Mezini dhe me pas Bezhani pas vitit 1997./CNA.al

 





Lajmet e fundit nga