web counter
LEXO PA REKLAMA!

SHKARKO APP

App Store
Google Play

"Meta, bashkëpunëtor i sigurimit!"/ Reagon Tedi Blushi: Tani u kujtua Autoriteti i Dosjeve, të bëhet publik çdo informacion

26 Korrik 2022, 20:56, Aktualitet CNA
"Meta, bashkëpunëtor i sigurimit!"/ Reagon Tedi Blushi: Tani
Ilir Meta dhe Tedi Blushi

Vjen reagimi i ish-zëdhënësit të ish-Presidentit Meta, Tedi Blushi, pas publikimit të lajmit nga Autoriteti për Informim mbi Dosjet e Sigurimit të Shtetit, i cili i ka kërkuar Kuvendit të ndryshojë ligjin mbi dosjet në vend, pasi pretendon se favorizon politikanët e lartë dhe deputetët, të cilët nuk ndëshkohen nga të qenit bashkëpunëtorë të Sigurimit të Shtetit.

Duke iu referuar një rasti konkret, kur një politikan i lartë shqiptar me inicialet I.M., që ka qenë në krye të vendit dhe sot në krye të një partie politike, rezulton se ka qenë bashkëpunëtor i Sigurimit të Shtetit.

Në një postim në faqen e tij në "Facebook", Blushi qesh dhe ironizon me këtë lajm. Ai thekson se Autoriteti i Dosjeve të mos hezitojë dhe të bëjë publike gjithë informacionet që ka në këtë dosje.

“Ha Ha Ha… Autoriteti i Dosjeve u kujtua t’i kërkojë Kuvendit të ndryshojë ligjin 'Për të drejtën e informimit për dokumentet e ish-Sigurimit', një ditë pas themelimit të Partisë së Lirisë, se gjoja një politikan i nivelit të lartë I.M, figuron bashkëpunëtor i Sigurimit të Shtetit dhe qenka përpjekur për t’u fshehur nga verifikimet dhe për këtë u dashka bërë një ligj i veçantë.

Mos e lodhni kot Kuvendin me këtë punë, se ka çështje të tjera më të rëndësishme për t’u marrë si aferën skandaloze të inceneratorëve apo Marrëveshjen e Detit me Greqinë (kujtoni letrën e fundit të Presidentit të Republikës për të gjithë deputetët).

Latë nam me patronazhistët e sotëm ju që paskeni merakun e  'patronazhistëve' të kominizmit.

I bëjmë thirrje Autoritetit të Dosjeve të hapë që sot dhe të bëjë publike çdo dosje dhe informaciontë Sigurimit të Shtetit dhe gjithçka tjetër, përfshirë edhe procesverbalet e organizatës së rinisë të asaj kohe!

Jetojmë në kohën e 'pavarësisë' së institucioneve, por edhe të TRANSPARENCËS, që nuk do të ndalet”, thotë Blushi./CNA.al

 





Lajmet e fundit nga