web counter
LEXO PA REKLAMA!

SHKARKO APP

App Store
Google Play

Organizohet në Tiranë Parlamentit Rinor i Frankofonisë/ Prioritet, edukimi, kultura dhe mbrojtja e mjedisit

26 Korrik 2022, 17:31, Aktualitet CNA
Organizohet në Tiranë Parlamentit Rinor i Frankofonisë/
Mbahet në Kuvend seanca solemne e Parlamentit Rinor të Frankofonisë

Në Tiranë, në sallën e Kuvendit është zhvilluar një seancën solemne e hapjes së punimeve të Parlamentit Rinor të Frankofonisë, i cili po organizohet në Tiranë nga datat 25-31 korrik 2022, si bashkëpunim i Sekretariatit Ndërkombëtar të Frankofonisë (APF),  Bashkisë së Tiranës dhe Ministrisë së Turizmit dhe Mjedisit, organizuar nën kujdesin e Kuvendit të Shqipërisë.

Në këtë seancë ka përshëndetur nënkryetarja e Kuvendit, znj.Ermonela Felaj, e cila pasi u uroi mirëseardhjen të rinjve në Parlamentin shqiptar, vlerësoi përzgjedhjen e kryeqytetit shqiptar për realizimin e këtij aktiviteti, në vitin kur Tirana është shpallur Kryeqyteti Evropian i Rinisë.

Duke theksuar rolin e Organizatës Ndërkombëtare të Frankofonisë, e cila ka në bosht të saj bashkëpunimin, solidaritetin, kulturën dhe zhvillimin, znj.Felaj nënvizoi se Shqipëria është një anëtare e përkushtuar e saj, me kontribute në rigjallërimin e kulturës dhe gjuhës frënge.

Në aktivitet përshëndetën Presidenti i APF, z.Francis Drouin, Kryetari i Bashkisë së Tiranës, z.Erjon Veliaj,  Kryetari i Misionit për Europën, z.Jean-Charles Luperto.

Parlamentit Rinor të Frankofonisë, i ka akorduar Kryetarit te Bashkisë Erion Veliajt, titullin “Komandant i Urdhrit të Plejadës së Frankofonisë dhe dialogut midis kulturave”.

Veliaj ka vlerësuar këtë titull duke iu shprehur falenderimet, Presidentit Francis Drouin dhe ish Presidentit të APF-së, Jean-Charles Luperto. “U jam mirënjohës që Tirana, përveçse Kryeqyteti Europian i Rinisë, këtë vit është edhe Kryeqyteti Botëror i Frankofonisë dhe mirëpret këtë javë punimet e Parlamentit Frankofon të Rinisë”, tha Veliaj.

Gjatë kësaj jave të rinjtë do të zhvillojnë disa mbledhje komisionesh parlamentare, ku do të kenë mundësi të diskutojnë mbi tema dhe çështje të ndryshme lidhur me bashkëpunimit ndër parlamentare, edukimit, teknologjisë, kulturës, mbrojtjes së mjedisit, etj./CNA.al

 





Lajmet e fundit nga