LEXO PA REKLAMA!

SHKARKO APP

Doganat përgënjeshtrojnë Irfan Hysenbelliun/ Nxjerrin dokumentat: Deri më sot pritëm faktet tuaja

26 Korrik 2022, 17:52, Aktualitet CNA
Doganat përgënjeshtrojnë Irfan Hysenbelliun/ Nxjerrin dokumentat:
Irfan Hysenbelliu

Drejtoria e Përgjithshme e Doganave ka përgënjeshtruar akuzat e ngritura në mediat e Irfan Hysenbelliut, menjëherë pasi “Birra Tirana” u gjobit për evazion fiskal. 

Drejtoria e Doganave ka publikuar dëshmitë e penalitetit të katër punonjësve të këtij institucioni, që Hysenbelliu pretendonte se ishin të dënuar nga gjykatat greke.

Në deklaratën për shtyp thuhet se deri më sot ky institucion ka pritur faktet e pronarit të medieve, por këto fakte nuk janë nxjerrë kurrë.

Ndaj, Drejtoria e Doganave thekson se do të respektojë vetëm ligjin, si kur gjobit një kompani në pronësi të Irfan Hysenbelliut për evazion fiskal, si kur mbron punonjësit, për sa kohë ata janë të padënuar.

“Media e z. Irfan Hysenbelli u lëshua në një fushatë baltosje ndaj institucionit të Drejtorisë së Përgjithshme të Doganave, fill pasi kjo e fundit vendosi të gjobisë një nga kompanitë e tij për evazion fiskal.

Pjesë e fushatës denigruese ishte akuza pa asnjë fakt se katër punonjës të institucionit tonë ishin të dënuar nga gjykatat greke. Pavarësisht se e sfiduam disa herë zotin Irfan Hysenbelli dhe median e tij, për të paraqitur qoftë edhe një provë të vetme për akuzën që ngrinin, ata kurrë nuk botuan një dokument të vetëm nga gjykata e vendit fqinj që fliste për dënimet e pretenduara nga Irfan Hysenbelli.

Kur DPD paraqiti dëshmitë e penalitetit shqiptare për katër punonjësit e Doganës, pavarësisht se barra e provës qëndron mbi akuzuesin, e jo të akuzuarin, media e zotit Irfan vazhdoi gjobëvënien dhe shtoi dozën e sulmit, duke kërkuar dëshmi penaliteti nga shteti grek, jo nga ai shqiptar.

Sqarojmë se nuk është detyrim i asnjë prej katër punonjësve të Doganave të provojnë se janë të pafajshëm. Është detyrim i zotit Irfan të provojë fajësinë e tyre. Por meqë zoti Irfan nuk e bëri kurrë këtë gjë, sot po i publikojmë ne katër dëshmitë e penalitetit të shtetit grek. Për t’u treguar shqiptarëve se ne respektojmë vetëm ligjin, si kur gjobisim një kompani në pronë të zotit Irfan për evazion fiskal, si kur mbrojmë punonjësit tanë, për sa kohë ata janë të padënuar.

Për të parë dokumentat e plota ndiq 'linkun'”, thuhet në deklaratë./ B.A. – CNA.al

Lajmet e fundit nga