web counter
LEXO PA REKLAMA!

SHKARKO APP

App Store
Google Play

E fundit!

x

Thirrja e Berishës: Të përgatitemi për një referendum

26 Korrik 2022, 22:00, Politikë CNA
Thirrja e Berishës: Të përgatitemi për një referendum
Kryetari i Partisë Demokratike, Sali Berisha

Gjatë një takimi me intelektualë, kryetari i Partisë Demokratike, Sali Berisha, ka kërkuar përgatitje për referendum.

Berisha tha se gjithkush duhet të angazhohet dhe të punojë që me demokracinë direkte të bëhen ndryshimet që duhen.

“Të gjithë ne duhet të përgatitemi për një referendum. Se një parti fiton zgjedhjet, një kryeministër hipën në timon, kushtetuta mbetet siç është, ligjet mbeten siç janë, dhe vjen tjetri që bën këto që po bën. Ka një rëndësi të jashtëzakonshme themelore të angazhohemi dhe të punojmë që me demokracinë direkte ne të bëjmë ndryshimet që duhen”, u shpreh ai.

Më tej, ish-kryeministri deklaroi se kushteta ka rënë me vendosjen e monizmit të plotë.

“Beteja jonë për votën është e shenjtë. Ajo ka rëndësi vendimtare për fatin e këtij kombi dhe të kësaj shoqërie. Kjo kushtetutë me vendosjen e monizmit të plotë, kjo në thelbin e vet demokratik ka rënë. Krahas zgjedhjeve, krahas lirisë së medias, krahas pavarësisë së gjykatave, bota e qytetëruar vendosi në Kushtetutshmërinë si shtyllë e demokracisë, sepse ndan dhe balancon pushtetin. Këtu të gjitha pushtet i ka marrë një njeri. Me emërimin e presidentit socialist mori të gjitha pushtetet”, theksoi Berisha./ B.A. – CNA.al





Lajmet e fundit nga