web counter
LEXO PA REKLAMA!

SHKARKO APP

App Store
Google Play

E fundit!

x

Irfan Hysenbelliu censurë gazetarëve që kritikojnë Ramën

15 Prill 2016, 11:07, Aktualitet CNA
Irfan Hysenbelliu censurë gazetarëve që kritikojnë
Irfan Hysenbelliu

Në një status në rrjetet sociale, gazetari Tedi Blushi ka ironizuar takimin e kryeministrit Edi Rama me presidentin të SHBA-ve, Barack Obama.

Në postimin e tij, Blushi shkruan se problemet e vendit nuk morën fund tani që Rama takoi Obamën.

Postimi i Tedi Blushit

“Një tenxhere me gjellë diku u dogj. Një xhezve me kafe diku tjetër u derdh. Një aksident ndodhi në bulevard. Një tifoz u mek. Një saldator e la shufrën. Një shkrimtar e grisi fletën. Një druvar e preu gishtin. Në reanimacion një mjek, pacientin e harroi. Një polic e kapi por e fali hajdutin. Një gjyqtar çekiçin e theu. Një prokuror dosjen e mbylli. Dikush harroi të thosh të dua..të gjithë i lanë punët…dhe u derdhën në “Facebook”. Donin ta shihnin me sytë e tyre magjinë. Dalldi e ekzaltim. Të gjithë janë dehur. Të vjen turp të jesh esëll. Aparatçikët po shkulin flokët nga gëzimi. Sekretaret po prishin tualetin para pasqyrës nga eksitimi. Diku sofra u mbush plot. Dikujt xhepi iu mbush dëng! Një biznesi iu ulën taksat. Nga sot shteti nuk merr më rryshfet. Shëndetësia është falas. Krimi po vrapon vetë drejt burgjeve. Pronarët i morrën pronat. Shtëpitë pa leje u legalizuan me një të rënë gishtash. Tirana u mbush me parqe në çdo cep. BE na pranoi. Lulëzon Shqipëria! U mek partia! Mrekullia ndodhi: Obama, Ramën, e takoi!”

Ky koment i Blushit është marrë nga portali Balkanweb dhe është publikuar si lajm. Sic shihet edhe nga foto, lajmi është shpërndarë nga persona të ndryshëm, njëri prej tyre është Kryetari i Departamentit të Politikës së Jashtme në PD, Kreshnik Çollaku.

Por, kur klikuam lajmin rezultoi se ai ishte fshirë. E provuam disa herë, por lajmi nuk ishte më.

Burime nga media në fjalë i thanë citynews se fshirja e lajmit është bërë me urdhër të Irfan Hysenbelliut, i cili tani vendos të censurojë edhe mendimet dhe lajmet që janë kundër kryeministrit. Mesa duket, Irfani i është rikthyer dashurisë së vjetër me Ramën. Mjafton t'i hedhësh një sy të përditshmes “Panorama” dhe shihet qartë që gazeta është kthyer në media servile e qeverisë. Tek “Panorama” mund të gjesh gjithçka për qeverinë dhe kryeministrin. Ajo hapet në faqen e parë me vendime qeverie, por vështirë se gjen ndonjë denoncim për kryeministrin.

Irfan Hysenbelliu është kthyer në zëdhënësin e qeverisë dhe tani censuron edhe gazetarët që kritikojnë kryeministrin Edi Rama dhe kjo vetëm për arsye klienteliste të tij që lëvizin sipas interesave të pushtetit./citynews

 





Lajmet e fundit nga