web counter
LEXO PA REKLAMA!

SHKARKO APP

App Store
Google Play

Balluku zbardh detaje për Portin e Durrësit/ Projekti që do të sjellë zhvillim ekonomik

10 Gusht 2022, 21:07, Aktualitet CNA
Balluku zbardh detaje për Portin e Durrësit/ Projekti që do
Zv.kryeministrja dhe ministrja e Infrastrukturës, Belinda Balluku

Zv.kryeministrja dhe ministrja e Infrastrukturës, Belinda Balluku, ka treguar detaje nga projekti për Portin e Durrësit.

Përveçse port turistik, Balluku tha nga baza e NATO-s në Porto Romano, se porti do të sjellë zhvillim edhe në ekonomi.

Zv.kryeministrja deklaroi se porti i ri është bazuar në kërkesat e qytetarëve dhe numrin e lartë të turistëve.

“Sa i përket ekonomisë, do të pësojë një shpërthim në atë zonë, por sidomos edhe për marinën elitë të jahteve që do të ndërtohet aty ku do të ndërtohet porti i Durrësit. Kemi pasur ankesa për ndotjen akustike dhe ambientale që operimet e portit sillnin, një port i ndërtuar shumë herët, kur qyteti nuk kishte kaq shumë zhvillim, dhe duke marrë parasysh ankesat dhe mundësinë për ta zhvilluar këtë industri detare vendosëm që porti i Durrës të spostohet në një zonë më industriale, që na jep mundësinë për një zgjerim që do i përgjigjet kërkesat jo vetëm të Shqipërisë, por edhe të rajonit.

Hapat final të ndërtimit të projektit, që ka edhe 2 elementë të rëndësishëm lidhjen me një hekurudhë të portit të thatë në Prishtinë, dhe një pjesë fundore të portit që do i dedikohet operacioneve militare nën ombrellën e NATO-së, projekt që e kemi prezantuar në zyrën e NATO në Bruksel”, theksoi Balluku gjatë fjalës në nënshkrimin e Memorandumit të Mirëkuptimit midis “Eagle Hills Real Estate Development” sh.p.k. dhe “Albanian Seaports Development Company” sh.a./ B.A. – CNA.al





Lajmet e fundit nga