web counter
LEXO PA REKLAMA!

SHKARKO APP

App Store
Google Play

E fundit!

x

Superskandali/ Irfan Hysenbelliu, 1.7 milionë euro borxh në Tatime vetëm nga një kompani

Sipas të dhënave zyrtare, Drejtoria e Përgjithshme e Tatimeve ka ushtruar kontroll te “Birra Tirana”, ku janë gjetur një sërë parregullsish dhe shkeljesh ligjore. Mësohet se “ Birra Tirana” e Irfan Hysenbelliut ka detyrime tatimore, që arrinin në vlerën e 1.7 milionë eurove.

10 Gusht 2022, 18:49, Aktualitet CNA

Superskandali/ Irfan Hysenbelliu, 1.7 milionë euro borxh në Tatime

Një skandal i biznesmenit Irfan Hysenbelliu, që bën moral në mediat e tij, ka dalë në dritë ditën e sotme, ku zbulohet pse Irfani ishte tërbuar ndaj tatimeve e doganave. 

Sipas të dhënave zyrtare, Drejtoria e Përgjithshme e Tatimeve ka ushtruar kontroll te “Birra Tirana”, ku janë gjetur një sërë parregullsish dhe shkeljesh ligjore.

Mësohet se “Birra Tirana” e Irfan Hysenbelliut ka detyrime tatimore, që arrinin në vlerën e 1.7 milionë eurove.

Ndonëse çdo ditë në mediat e tij na bën moral duke denoncuar për interesat personale drejtuesit e institucioneve, ish-kapteri i diktaturës ka lënë pa paguar 1.7 milionë euro detyrime vetëm në një kompani.

Gjatë kontrollit të ushtruar gjatë muajve janar – prill 2022, ka rezultuar se “Birra Tirana” ka kryer shitje të produkteve pa dokumentacion tatimor në vlerën 18 milionë lekë, të konstatuara në kushtet e flagrancës.

Konkretisht biznesi i Hysenbelliut ka kryer shmangie të detyrimeve tatimore dhe doganore bazuar në diferencat në inventar në:

1. Lëndë të parë Malto;

2. Produkt i gatshëm;

3. Ambalazhe;

4. Mallra pa dokumentacion tatimor (faturë tatimore) te distributorët.

Lidhur me shkeljet e konstatuara, DPT ka kryer kallëzim penal pranë Prokurorisë së rrethit gjyqësor Tiranë.

Detyrimet e “Birra Tirana” lidhen me Tatimin mbi Vlerën e Shtuar, Tatim-Fitimin, Tatimin e Mbajtur në Burim, ndërsa kontributet e sigurimeve shoqërore dhe shëndetësore të punonjësve nuk janë paguar që prej vitit 2019.

Detyrimet e këtij viti duhet të ishin shlyer brenda tre muajve të parë të vitit 2020 dhe ato përfshinin:

Rreth 127 milionë lekë TVSH e paderdhur bashkë me gjobën për shkak të vonesës, nga të cilat rreth 82 milionë lekë TVSH e pashlyer dhe 44 milionë lekë gjoba për tejkalim të afateve;

Rreth 15.6 milionë lekë detyrime, që burojnë nga tatim-fitimi, bashkë me gjobën për shkak të vonesës;

Rreth 5.6 milionë lekë Tatimi në Burim, bashkë me gjobën për vonesat;

Rreth 39 milionë lekë detyrime të papaguara të sigurimeve shoqërore dhe shëndetësore të punonjësve, bashkë me gjobën përkatëse për vonesat.

Ndërkohë, kujtojmë se Irfan Hysenbelliu është hedhur në sulm personal me anë të mediave ndaj disa instiutucioneve, pasi i kanë zbuluar evazionin fiskal në bizneset e tij.

Duke bërë si denoncues i skandaleve, Hysenbelliu po përdor mediat e tij duke ngritur një sërë akuzash ndaj institucioneve, përfshirë këtu Drejtorinë e Doganave dhe Drejtorinë e Tatimeve.

Akuzat e ngritura deri më tani nga Hysenbelliu janë hedhur poshtë nga institucionet./ B.A. - CNA.al





Lajmet e fundit nga