web counter
LEXO PA REKLAMA!

SHKARKO APP

App Store
Google Play

E fundit!

x

Thellohet skandali “Hysenbelliu”/ Punonjës në të zezë, 400 milionë lekë sigurime të papaguara

11 Gusht 2022, 11:39, Aktualitet CNA

Thellohet skandali “Hysenbelliu”/ Punonjës në të

Irfan Hysenbelliu prej tri vitesh nuk paguan sigurimet shoqërore dhe shëndetësore të punonjësve të tij.

Bëhet fjalë për kompanië “Birra Tirana”, e cila është evidentuar nga Tatimet me miliona euro detyrime.

Në total, Hysenbelliu rezulton se ka 1.7 milionë euro ose 188 milionë lekë detyrime ndaj Tatim-Taksave.

Sipas Tatimeve kompania e Hysenbelliut ka detyrim që shkon në rreth 127 milionë lekë TVSH e paderdhur bashkë me gjobën për shkak të vonesës, nga të cilat rreth 82 milionë lekë TVSH e pashlyer dhe 44 milionë lekë gjoba për tejkalim të afateve, rreth 15.6 milionë lekë detyrime, që burojnë nga tatim-fitimi, bashkë me gjobën për shkak të vonesës dhe rreth 5.6 milionë lekë Tatimi në Burim, bashkë me gjobën për vonesat.

Thellohet skandali “Hysenbelliu”/ Punonjës në të

Po sipas Tatim-Taksave edhe 39 milionë lekë të rinj janë sigurime të papaguara apo rreth 400 milionë lekë të vjetër me kohën që po kalon pasi nuk janë paguar ende.

“Në total, detyrimet e 'Birra Tirana' sh.a. arrijnë në rreth 188 milionë lekë ose rreth 1.7 milionë euro.

Detyrimet e prapambetura të subjektit 'Birra Tirana' sh.a. lidhen me Tatimin mbi Vlerën e Shtuar, Tatim-Fitimin, Tatimin e Mbajtur në Burim, ndërsa kontributet e sigurimeve shoqërore dhe shëndetësore të punonjësve nuk janë paguar që prej vitit 2019.

Rreth 39 milionë lekë detyrime të papaguara të sigurimeve shoqërore dhe shëndetësore të punonjësve, bashkë me gjobën përkatëse për vonesat”, thuhet ndër të tjera në njoftimin e Tatim-Taksave ku nënvizohet se është vendosur masa e bllokimit të llogarive dhe pasurive të tjera në emër të kompanisë “Birra Tirana”.

Pra, për tri vite Hysenbelliu ka mbajtur punonjës në të zezë pa kontrata pune dhe pa sigurime, ndërkohë nga ana tjetër del dhe sulmon organet tatimore për shkelje ligji, etike dhe jo vetëm.

Hysenbelliu i cili ka disa kompani është i zhytur në borxhe dhe në kredi.

Në disa raste negocion dhe bën pazar, në të kundërt ndërmerr sulme duke u fshehur pas mediave të tij. Media të cilat i ka lënë peng në bankë për shkak të kredive.

Siç është rasti i shoqërisë “Focus Group SHPK”,  ka nënshkruar një marrëveshje “barrë siguruese” me një bankë të nivelit të dytë./CNA.al





Lajmet e fundit nga